शिर्डी : राधाकृष्ण विखे पाटील हे विरोधी पक्षनेते नाही, तर पक्षविरोधी नेते आहेत, अशा शब्दात काँग्रेसचे ज्येष्ठ नेते बाळासाहेब थोरात यांनी विधानसभेचे विरोधीपक्ष नेते राधाकृष्ण विखे पाटील यांच्यावर शाब्दिक हल्ला केला.
ज्यांच्यावर पक्षाने जबाबदारी दिली, तेच चुकीचे वागत आहेत, असं म्हणत थोरातांनी विखेंना घरचा आहेर दिला.
शिर्डी लोकसभा मतदारसंघात थोरातांनी आघाडीच्या प्रचाराचा शुभारंभ केला. संगमनेर तालुक्यातील निझर्णेश्वरमध्ये आयोजित विजय निर्धार सभेत ते बोलत होते.
दरम्यान विधानसभेत भाषण झालं का विरोधी पक्ष नेते मुख्यमंत्र्यांच्या दालनात असायचे, असा गोप्यस्फोटही माजीमंत्री बाळासाहेब थोरातांनी यावेळी बोलताना केला.
शिर्डी विधानसभेतील जनताही काँग्रेसच्या पाठीशी उभी राहील. विरोधी पक्षनेते आज या व्यासपीठावर असायला हवे होते.
विखे पाटील परिवार काँग्रेसला ताकद देण्याऐवजी ताकद दाखवायचं आव्हान देत आहेत, अशा शब्दात बाळासाहेब थोरात यांनी विखे पाटलांवर घणाघाती टीका केली.
- शेती व दुग्ध उत्पादन खा. सुजय विखेंचा उत्पनाचा सोर्स ! जनावरे, दागिने, शेअर्स.. टोटल किती आहे संपत्ती? पहा..
- Arjun Fruit : समस्या अनेक उपाय एक! आजच आहारात करा या फळाचा समावेश, आरोग्याला होतील अनेक फायदे!
- Ahmednagar Politics : ‘उत्तर नगरचं ‘जितराब’ दक्षिणेत येऊ देऊ नका..’ ! १९९१ मध्ये शरद पवारांनी केलं होत आवाहन अन विखे-पवार घराण्यात पहिली ठिणगी पडली..
- Stock to buy : भविष्यात 4 हजाराचा आकडा पार करेल ‘हा’ शेअर, आत्ताच करा खरेदी…
- Ahmednagar News : आभाळ फाटलं ! कांदा झाकायला गेले अन अंगावर वीज पडली, मायलेकराचा मृत्यू