राहुरी – एका शालेय तरूणीस मोटारसायकलवर पाठलाग करून विनयभंग केल्याची घटना घडली असून याबाबत राहुरी पोलीस ठाण्यात एका तरूणावर गुन्हा दाखल करण्यात आला आहे.
याबाबत पोलीसांकडून मिळालेली माहिती अशी की, राहुरी येथे शिक्षण घेत असलेली २० वर्षीय तरूणी घरी जात असताना गोट्या उर्फ राहुल पवार रा. चाकण, जि. पुणे ह. मु. धामोरी, ता. राहुरी हा वरवंडी फाटा ते वरवंडी या दरम्यान मोटारसायकलवरून येवून तरूणीस लज्जा उत्पन्न होईल असे भाष्य करून तू मला फार आवडते. माझे तुझ्यावर प्रेम आहे असे म्हणून तरूणीस घरातून घेवून जाण्याची धमकी दिली.
सदरील प्रकार घडल्यानंतर दोन दिवसांनी त्याच तरूणाने रात्री १२.३० वाजेच्या सुमारास तरूणीच्या भावास फोनवरून शिवीगाळ करून तू पोलीस स्टेशनला तक्रार दिली तर कोयत्याने तोडून टाकीन अशी धमकी दिली.
- जनरल स्टोअर्सला लागली आग ३० लाख झाले खाक
- यापुढे शेतात गांजा पिकवायचा का? शेतकरी संतप्त
- कोरोना योद्धाच आता कोरोनाच्या विळख्यात सापडले !
- आमदार संग्राम जगताप म्हणाले ‘त्यामुळे’मनातील भीती दूर होते !
- …आणि मनोज कोतकर मनपा स्थायी समितीचे सभापती झाले !
