Ahmednagar NewsBreakingMaharashtra

पबजी गेमच्या नादात नगर जिल्ह्यातील तरूणाची आत्महत्या !

राहुरी ;- तालुक्यात ईदच्या दिवशी गळफास घेऊन युवकाने आत्महत्या केल्याची धक्कादायक घटना उघडकीस आली आहे.

याबाबत सविस्तर माहिती अशी कि, फारूक मन्सूर इनामदार (वय २०, आंबी) असे या युवकाचे नाव असून आंबी शिवारातील प्रवरा नदीपात्रात झाडाला दोर बांधून त्याने गळफास घेतला. 

दुपारी नातेवाईकांनी पाहिल्यावर आरडाओरडा करून इतरांना बोलावून घेतले. मृतदेह राहुरी ग्रामीण रुग्णालयात नेण्यात आला. 

याबाबत राहुरी पोलिस ठाण्यात आकस्मिक मृत्यूची नोंद करण्यात आली. फारूखच्या मृत्यूने परिसरात शोककळा पसरली. 

दरम्यान नातेवाईकांकडून मिळालेल्या माहितीनुसार  मयत फारुख याच्या आई-वडिलांचे निधन झाले आहे, त्याची आजी व मोठा भाऊ समवेत तो राहत होता,

मोलमजुरी करून तो आपला उदरनिर्वाह करीत होता.फारूक याला पबजी गेम खेळण्याचा नाद होता. दिवसभरातील आठ-आठ तास तो हा खेळ मोबाइलवर खेळत असे. 

रमजान ईदच्या आनंदच्या दिवशी ही घटना घडल्याने संपूर्ण आंबी गावावर शोककळा पसरली आहे.

मोबाईलमध्ये असलेल्या पबजी गेमच्या व्यसनामुळे अनेक तरुण आत्महत्येच्या उंबरठ्यावर येऊन ठेपले आहेत.

Ahmednagarlive24

No1 News Network Of Ahmednagar जगभरातील लाखो वाचक असलेले अहमदनगर जिल्ह्यातील सर्वाधिक लोकप्रिय व विश्वासार्ह न्यूज पोर्टल.

Related Articles

Leave a Reply

Your email address will not be published. Required fields are marked *

Back to top button