Ahmednagar CityAhmednagar NewsBreakingMaharashtra

गुंडावर हल्ला करणाऱ्या शिवसेनेच्या तीन कार्यकर्त्यांना अटक

नगर – केडगाव परिसरात तडीपार गुंडावर हल्ला करणाऱ्या शिवसेनेच्या तीन कार्यकर्त्यांना कोतवाली पोलिसांनी ताब्यात घेतले असून, त्यांच्याकडून गुन्ह्यातील हत्त्यार व वाहन जप्त करण्यात आले आहे. त्याना सोमवार पर्यंत पोलीस कोठडी ठोठविण्यात आली आहे. आरोपी सुनील सातपुते, निलेश भालसींग, महेश साके यांना ताब्यात घेतले आहे. 

गेल्या आठा दिवसापूर्वी दोन गटात राजकीय वादातून केडगावात पीडब्ल्यूडी वर्कशॉप रोडवरील हॉलीबॉल मैदान येथे मनोज कराळे याला मारहाण करण्यात आली. ही घटना सोमवारी (दि.1) रोजी रात्री घडली होती. या घटनेत मनोज कराळे हा गंभीर जखमी झाला होता.

महापालिका निवडणुकीत शिवसेना उमेदवाराचा पराभव झाल्यापासून हा वाद आणखीनच चिघळला आहे. सातपुते व कराळे हे दोघे वेगवेगळ्या पक्षात असल्यामुळे त्यांच्यात नेहमीच कुरघोडी होत असल्याची चर्चा आहे.

याप्रकरणी कोतवाली पोलीस ठाण्यात जखमी मनोज कराळे याची आई मीना भाऊसाहेब कराळे (वय -42, रा. शिवाजीनगर मराठी शाळेजवळ) यांच्या फिर्यादीवरून विठ्ठल नानाभाऊ सातपुते, सुनील सातपुते, नितीन भालसिंग, प्रवीण सातपुते, आशिष शिंदे, महेश साके, अशोक सातपुते, अनिकेत शिंदे (सर्व रा. केडगाव, शिवाजीनगर) यांच्याविरुद्ध बेकायदा जमाव जमवून खुनाचा प्रयत्न केल्याचा गुन्हा दाखल करण्यात आला आहे.

Ahmednagarlive24

No1 News Network Of Ahmednagar जगभरातील लाखो वाचक असलेले अहमदनगर जिल्ह्यातील सर्वाधिक लोकप्रिय व विश्वासार्ह न्यूज पोर्टल.

Related Articles

Leave a Reply

Your email address will not be published. Required fields are marked *

Back to top button