अहमदनगर :- गेल्या काही दिवसांपासून नगर शहरातील शाळा, क्लासेसच्या पार्किंगमधून रेसर सायकली चोरीला गेल्याचे गुन्हे नोंदविण्यात आले होते. माळीवाडा येथील फिरोदिया हायस्कूलच्या पार्किंगमधून एक रेसर सायकल चोरताना दोघांना कोतवाली पोलिसांनी पकडले.
दोघांकडे पोलिसांनी चौकशी केल्यानंतर पब्जी गेम खेळण्याकरिता मोबाइल खरेदी करण्यासाठी दोघांनी सायकली चोरून विकल्याचे उघडकीस आले आहे. पकडलेली दोन्ही मुले नगर तालुक्यापासून जवळ असलेल्या गावामध्ये राहतात.
नुकतीच ती दहावी उत्तीर्ण झाली असून, एका महाविद्यालयात अकरावीचे शिक्षण घेतात. दोघांना पब्जी गेम खेळण्यासाठी चांगला मोबाइल खरेदी करायचा होता. दोघांनी घरच्यांकडे मोबाइल खरेदी करण्यासाठी पैसे मागितले. परंतु, शिक्षण सुरू असल्याने घरच्यांनी मोबाइल देण्यास नकार दिला.
त्यामुळे दोघांनी मोबाइल घेण्यासाठी शहरातून रेसर सायकली चोरायचे ठरवले. यातील एकाकडे मोटारसायकल होती. या मोटारसायकलवरून ते दोघे शिक्षणासाठी गावाकडून येत होते. याच मोटारसायकलवरून त्यांनी रेसर सायकल चोरायचे ठरविले.
सावेडी उपनगरातील एका क्लाससमोरून त्यांनी एक रेसर सायकल चोरली. ही चोरी पचल्यानंतर आणखी काही सायकली शहरातून चोरल्यानंतर या सायकली गावामध्ये दोन ते तीन हजार रुपयांना विकल्या होत्य़ा. त्यातून वीस हजार रुपयांचा मोबाइल नगरमध्ये खरेदी केला होता.
या मोबाइलमध्ये पब्जी गेम घेऊन दोघेही गेम खेळत होते. सायकली चोरून एक मोबाइल खरेदी केल्यानंतर आणखी एक मोबाइल खरेदी करण्यासाठी ते सायकल चोरी करत असताना पकडले गेले.
- भाजप नगरसेवकांची आ.रोहीत पवार यांना सरप्राईज भेट
- मोठी बातमी : ‘त्या’ पोलीस निरीक्षकाविरोधात गुन्हा दाखल !
- अहमदनगर कोरोना ब्रेकींग : आज वाढले ‘इतके’ रुग्ण वाचा सविस्तर अपडेट्स
- गावाच्या समस्येवर नागरिकांनीच शोधला उपाय
- या तालुक्यात 90 दिवसात आढळले 1600 कोरोनाबाधित
