Ahmednagar News Ahmednagar North Ahmednagar South Breaking Maharashtra

माजी आमदार यशवंतराव गडाख, प्रसाद तनपुरे व चंद्रशेखर घुले यांच्यावर गुन्हे दाखल होण्याची शक्यता

अहमदनगर :- राज्याची शिखर बँक मानल्या जाणाऱ्या महाराष्ट्र राज्य सहकारी बँकेद्वारे हजारो कोटी रुपयांची कर्जे नियमबाह्यपणे वितरित केल्याने बँक अडचणीत सापडली.

त्य़ामुळे यातील दोषींविरोधात गुन्हा दाखल करण्याची मागणी करणारी याचिका उच्च न्यायालयात दाखल होती.

त्यावर निकाल देताना संबंधितांविरुद्ध पाच दिवसांत गुन्हा दाखल करण्याचे आदेश न्यायालयाने दिले आहेत. त्यामुळे २००५ ते २०१० या काळात या बँकेवर संचालक असलेल्यांवर कायदेशीर कारवाईची टांगती तलवार आहे.

यामध्ये नगर जिल्ह्यातील माजी आमदार यशवंतराव गडाख, प्रसाद तनपुरे व चंद्रशेखर घुले यांचीही नावे असल्याने त्यांच्या समर्थकांमध्ये अस्वस्थता आहे.

नगर जिल्ह्यातील तीन नावांपैकी काहीजण राज्य साखर संघाचे प्रतिनिधी व काही जिल्हा सहकारी बँकेचे प्रतिनिधी म्हणून राज्य सहकारी बँकेवर या काळात प्रतिनिधित्व करीत होते, असे सूत्रांकडून सांगण्यात येते.