गणपती विसर्जनाची मिरवणूक वादातून जातीवाचक शिविगाळ करत तलवारीने मारहाण
अहमदनगर : घरासमोरून गणपती विसर्जनाची मिरवणूक जात असताना फटाके वाजवू नका घरातील लहान नात घाबरेल असे म्हणाल्याचा राग येवून जातीवाचक शिवीगाळ करत काठ्या, तलवार, लोखंडी पाईपने एकास मारहाण करून जखमी केल्याप्रकरणी नगर तालुका पोलीस ठाण्यात ८ जणांविरुद्ध गुन्हा दाखल करण्यात आला आहे.
याबाबत सविस्तर माहिती अशी की, रंगनाथ बाबुराव बोरुडे (रा. आगडगाव, ता.नगर) यांच्या घरासमोरून गावातील गणपती विसर्जनाची मिरवणूक जात असताना मिरवणुकीतील लोकांनी त्यांच्या घरासमोर फटाके वाजवले. तेव्हा बोरुडे यांनी तुम्ही घरासमोर फटाके वाजवू नका, माझी नात लहान आहे ती घाबरेल असे म्हटले.
याचा राग येऊन बबन आसाराम कराळे, भाऊ आसाराम कराळे, राधाकिसन भाऊ कराळे, प्रशांत महादेव गायकवाड, नवनाथ परसराम कराळे, पप्पू आसाराम गायकवाड, संदीप मळु गायकवाड, वैभव दत्तू पागिरे (सर्व रा. आगडगाव) यांनी बोरुडे यांना जातीवाचक शिवीगाळ करत हातातील काठ्या, तलवार, लोखंडी पाईपने मारहाण करून जखमी केले.
या प्रकरणी रंगनाथ बोरुडे यांच्या फिर्यादीवरून नगर तालुका पोलीस ठाण्यात आठ जणांविरुद्ध विविध कलमान्वये गुन्हा दाखल करण्यात आला आहे.
- राहुरी तालुक्यातील हजारो एकरांवरील खरिप पिकांवर पाणी
- अबब! ‘ह्या’ तालुक्यात अतिवृष्टी ; ‘ह्या’ गावांचा संपर्क तुटला
- श्रीरामपुरात मोठे कोविड सेंटर उभे करू, परंतु त्यासाठी…
- परंपरेला छेद देत मुलींनीच मृत आईस दिला खांदा, केले अंत्यसंस्कार
- अहमदनगर कोरोना अपडेट्स : आज ४२ बाधितांची रुग्णसंख्येत भर
