कर्जत : तालुक्यातील कुंभेफळ, नेटकेवाडी, कोरेगाव, बजरंगवाडी येथे वाघ आल्याची जोरदार चर्चा होत असून वनविभागाने कुंभेफळ येथे पिंजरा लावल्याने परिसरात घबराट पसरली आहे. लोकाना सतर्कतेचा ईशारा देण्यात आला असला तरी याबाबत महसूल, पोलीस अशा शासकीय यंत्रणाना मात्र कोणतीच माहिती नाही.
याबाबत सोशल मीडियावर जोरदार पोस्ट फिरत आहेत. कर्जत तालुक्यातील बजरंगवाडी येथे वाघ व त्याची दोन पिल्ले पाहिल्याची व तो आपल्या भागात दिसल्याच्या पोस्ट सोशल मीडियात फिरु लागल्या आहेत.
कोरेगाव जवळील रजपूत मळ्यात तर कधी नेटकेवाडीमध्ये हा वाघ आल्याची चर्चा होत असताना या वाघाबरोबर दोन पिल्ले असल्याचे बोलले जात आहे. ज्या काही लोकांनी असे मेसेज पाठवले आहेत त्यांना याबाबत विचारले असता त्यांना कोणतीही अधिकृत माहिती सांगता आली नाही.
तर मला माहिती आली व म्हणून मी पण ती फॉरवर्ड केली असे उत्तरे मिळत आहेत. सदर वाघ नेमका कोठे दिसला व कोणाला दिसला ? नेमका किती वाजता दिसला? याची कोणाकडेच उत्तरे नाहीत.
याशिवाय असा वाघ पाहिल्याचा फोटो, व्हिडिओही उपलब्ध नसल्यामुळे ही नक्कीच अफवा असल्याचे बोलले जात आहे. बजरंगवाडीचे प्रमुख अंगद रुपनर यांना विचारले असता त्यांनीही आपल्या गावाच्या परिसरात कोणालाही वाघ दिसला नसल्याचे सांगत ही अफवा असल्याला दुजोरा दिला. उगाच कोणीतरी खोडसाळपणे सोशल मीडियातून ही पोस्ट फिरवत असल्याचे म्हटले.
- बेसुमार वृक्षतोडीला वनविभागाचे अभय ! अधिकारी फोनच उचलत नाहीत…
- Ahmednagar News : तरुणाला मारले, पुरावा संपवण्यासाठी दगडात पुरला मृतदेह .. पोलिसांनी २४ तासात लावला छडा
- धनुष्यबाणाला मत म्हणजे मोदींना मत ! मोदींना पुन्हा पंतप्रधान करण्यासाठी खा. लोखंडेंना साथ द्या
- HDFC Bank Scheme: एचडीएफसी बँकेने चांगला परतावा देणाऱ्या ‘या’ विशेष योजनेची मुदत वाढवली; वाचा या योजनेची माहिती
- सुजय विखेंवर एकही गुन्हा नाही! ना एकही वाहन! अशी आहे सुजय विखेंची संपत्ती