नूर सुलतान : उपांत्यपूर्व फेरीत कोलंबियाच्या कार्लोस आर्तुरो मेंडेझचा अटीतटीच्या लढतीत ७-६ असा निसटता विजय मिळवून ज्युनियर विश्वविजेता दीपक पुनियाने विश्व कुस्ती अजिंक्यपद स्पर्धेच्या ८६ किलो गटाच्या उपांत्य फेरीत प्रवेश केला.
या विजयासह दीपक पुनियाने पुढील वर्षी टोकियोमध्ये होणाऱ्या ऑलिम्पिक क्रीडा स्पर्धांमधील आपले स्थानही निश्चित केले. ऑलिम्पिकसाठी पात्र ठरणारा दीपक पुनिया हा चौथा भारतीय कुस्तीपटू आहे. याआधी विनेश फोगट, रवी दहिया आणि बजरंग पुनिया ऑलिम्पिकसाठी पात्र ठरले आहेत.
सीनियर विश्व अजिंक्यपद स्पर्धेत प्रथमच सहभागी झालेल्या दीपक पुनिया लढत संपायला एक मिनीट शिल्लक असताना ३-६ अशा पिछाडीवर होता. त्या वेळी तेथे उपस्थित असणाऱ्या त्याच्या सहकाऱ्यांना दीपकचे आव्हान संपुष्टात येईल, असेच वाटले.
पण कोणतेही दडपण न घेता दीपक पुनियाने आपले डावपेच आणि ताकद पणाला लावत कोलंबियाच्या मल्लावर बाजी उलटवली आणि विजय मिळवला.
- विधान परिषद शिक्षक मतदारसंघ द्विवार्षिक निवडणूक पुढे ढकलण्याचा निर्णय !
- RVNL Bharti 2024 : रेल विकास निगम पुणे येथे ‘या’ रिक्त जागा भरण्यासाठी मुलाखती आयोजित, वाचा सविस्तर…
- Mumbai Bharti 2024 : एसएनडीटी विद्यापीठात निघाली भरती, ‘या’ तारखेला होणार मुलाखत…
- Punjab National Bank : पंजाब नॅशनल बँकेच्या ग्राहकांसाठी मोठी बातमी! घरबसल्या मिळणार 50,000 रुपये…
- Ahmednagar News : वादळवाऱ्याचा अहमदनगरमधील ‘या’ भागात कहर ! केळीबाग जमीनदोस्त