शिवसेनेत इनकमिंगला सुरूवात,राष्ट्रवादीला धक्का !

अहमदनगर :- शिवसेनेला जय महाराष्ट्र केलेले अंबादास पंधाडे, राजेंद्र राठोड यांनी आज शिवालयात उपस्थिती लावली. तसेच उमेदवारीसाठी इछुक असलेले अनिल शिंदे, संभाजी कदम, भगवान फुलसौंदर हेही आता राठोड यांच्यासाठी सक्रिय झाले आहेत.

अनिल राठोड हे शिवसेनेचे उमेदवार असून शिवसेनेत इनकमिंगला सुरूवात झाली आहे. विधानसभा निवडणुकीच्या नियोजनासंदर्भात अनिल राठोड यांनी आज दुपारी शिवसेनेच्या सर्व नगरसेवकांची बैठक घेतली.

या बैठकीला शिवसेनेचे सर्व नगरसेवक उपस्थित होते. उमेदवारीसाठी इच्छुक असलेले अनिल शिंदे, भगवान फुलसौंदर, सुरेखा कदम हेही या बैठकीला हजर राहिले.

बैठक संपल्यानंतर अनिल राठोड व जिल्हाप्रमुख प्रा. शशिकांत गाडे हे शिवालयात गेले असता, त्याठिकाणी अंबादास पंधाडे, राजेंद्र राठोड यांनी येऊन राठोड यांची भेट घेतली व शिवसेनेत सक्रिय राहणार असल्याचे सांगितले.

दरम्यान शिवसेनेकडून महापौरपद देण्यात न आल्याने अंबादास पंधाडे यांनी शिवसेनेला जय महाराष्ट्र केला होता. तर, मागील वर्षी झालेल्या महापालिका निवडणुकीत राजेंद्र राठोड यांनी शिवसेनेचे शिवबंधन तोडत हातात राष्ट्रवादी काँग्रेसचे घड्याळ बांधले होते.

पूर्वाश्रमीचे शिवसेनेचे असलेले अंबादास पंधाडे व राजेंद्र राठोड यांनी आज शिवालयात उपस्थिती लावत पुन्हा शिवसेनेत सक्रिय होणार असल्याचे संकेत दिले.

• खासदार डॉ.सुजय विखे म्हणाले उद्या कोणतेही सरकार सत्तेत येउ शकते ! आता..
• कृषी विधयेकाच्या समर्थनार्थ संपूर्ण स्वातंत्र्य आंदोलन
• गांधी जयंती दिवशी रंगणार गांधीगिरी आंदोलन
• खड्ड्यांच्या समस्येवरून मनसे झाली आक्रमक; दिला इशारा
• अतिवृष्टीने हवालदिल झालेल्या बळीराजासमोर नवे संकट