Ahmednagar SouthBreakingMaharashtra

राष्ट्रवादी कॉंग्रेसला धक्का आ.राहुल जगताप निवडणूक लढविणार नाहीत !

अहमदनगर :- वयाच्या 26 व्या वर्षी सर्वात तरुण आमदार म्हणून विधानसभेत गेलेले राष्ट्रवादीचे विद्यमान आमदार राहूल जगताप यांनी निवडणूक न लढविण्याचा निर्णय घेतला आहे.

माजी मंत्री बबनराव पाचपुते यांना भाजपाचे उमेदवारी जाहीर झाल्यानंतर तालुक्याची राजकीय परिस्थिती बदलली, श्रीगोदा तालुक्यातून निवडणूक न लढविण्याचा निर्णय घेत आमदार जगताप यांनी माघार घेत कार्यकर्त्यांना दुसरा धक्का दिला.

श्रीगोंद्यात आज आ.राहुल जगताप यांच्यासह बाबासाहेब भोस, अण्णा शेलार, माजी नगराध्यक्ष मनोहर पोटे, पक्षाचे तालुकाध्यक्ष हरिदास शिर्के यांच्यात बैठक झाली.या बैठकीत घन:श्‍याम शेलार यांना पक्षाने उमेदवारी द्यावी, यावर एकमत झाले.

नागवडे यांचा भाजप प्रवेश लांबणीवर 

नागवडे कारखान्याचे अध्यक्ष राजेंद्र नागवडे व महिला व बालकल्याण समितीच्या सभापती यांचा काल होणारा भाजप प्रवेश पडद्याआडच्या हालचालीमुळे लांबणीवर पडला.

राजेंद्र नागवडे यांचा काल भाजपमध्ये जवळपास प्रवेश निश्चित होता. खुद्द मुख्यमंत्री देवेंद्र फडणवीस ही त्यासाठी अनुकूल होते. मात्र, अचानक अशा काही घडामोडी घडल्या की त्यामुळे राजेंद्र नागवडे, अनुराधा नागवडे या दोघांचाही  होणारा प्रवेश लांबला. 

Ahmednagarlive24

No1 News Network Of Ahmednagar जगभरातील लाखो वाचक असलेले अहमदनगर जिल्ह्यातील सर्वाधिक लोकप्रिय व विश्वासार्ह न्यूज पोर्टल.

Related Articles

Leave a Reply

Your email address will not be published. Required fields are marked *

Back to top button