संगमनेर :- राज्याचे लक्ष लागलेल्या शिर्डी आणि संगमनेरमध्ये मंत्री राधाकृष्ण विखे आणि काँग्रेसचे प्रदेशाध्यक्ष बाळासाहेब थोरात यांची ‘समझोता एक्स्प्रेस’ या वेळी देखील भन्नाट सुटली.
थोरात यांच्या विराेधात विखे घराण्यातील, तर विखेंच्या विरोधात थोरातांचे नातेवाईक असलेल्या तांबे घराण्यातील उमेदवार दिला जाईल, हा परस्परांचा दावा फोल ठरला.
त्यामुळे थोरातांविराेधात जिल्हा परिषदेच्या अध्यक्ष शालिनी विखे आणि विखेंच्या विरोधात आमदार डॉ. सुधीर तांबे यांच्या उमेदवारीची चर्चा चर्चाच राहिली.
शिर्डीतील थोरातांचा विखेंविरोधातील काँग्रेसचा उमेदवार कोण असेल, याची मोठी उत्सुकता राज्याला होती. मात्र, या जागेवर थोरातांचे चुलत बंधू सुरेश थोरात यांची उमेदवारी पुढे आल्याने उमेदवार देण्याची आैपचारिकता पूर्ण झाल्याचे बोलले जाते.
सुरेश थोरात काही काळ संगमनेर पंचायत समितीचे सदस्य होते. बाळासाहेब थोरात यांचे ते िनष्ठावंत मानले जातात.
संगमनेरातील नवले आणि शिर्डीतील थोरात यांच्या उमेदवारीमुळे या दोन्ही मतदारसंघांत पुन्हा एकदा समझोता एक्स्प्रेस धावू लागल्याची चर्चा मतदारसंघात सुरू आहे.
कोठे थांबायचे हे त्यांना माहिती!
वास्तविक संगमनेर व शिर्डी या दोन्ही मतदारसंघांत एकमेकांचा हस्तक्षेप थोरात व विखे दोघांनाही निश्चितच त्रासदायक ठरू शकला असता.
विखे-थोरात यांचा पूर्व इतिहास बघता कितीही वाद झाले, तरी नेमके कोठे थांबायचे हे या दोन्ही नेत्यांना चांगलेच माहिती आहे, असा अनेकांचा कयास यामुळे खरा ठरला आहे.
- सलमान खान-संजय दत्तमुळे बनलं एका फ्लॉप अभिनेत्याचं करिअर, 2004 चा ‘हा’ ब्लॉकबस्टर चित्रपट तुम्ही पाहिलाय का? वाचा पडद्यामागील कहाणी
- महिला क्रिकेटमध्ये सर्वाधिक विकेट्स घेणाऱ्या टॉप-6 खेळाडूंची यादी, नंबर-1 वर भारताची झुलन गोस्वामी!
- फक्त ₹200 मध्ये कॉलिंग, डेटा, OTT अॅक्सेस आणि बरंच काही; Jio, Airtel आणि Vi चे बेस्ट बजेट फ्रेंडली प्लॅन!
- ‘या’ 10 सवयी आत्ताच बदला, अन्यथा तुमचा फ्रीजच बनू शकतो टाइम बॉम्ब! एका झटक्यात घर जळून खाक होईल
- नोकरी सोडून स्वतःचा व्यवसाय सुरू करायचाय? ‘या’ सरकारी स्कीम्स देतील 10 लाखांपासून 10 कोटींपर्यंत लोन; जाणून घ्या संपूर्ण माहिती!
