काष्टी : कुकडी साखर कारखान्यावर प्रशासक नेमावा असा आदेश निघाला होता. त्यावर कोणी कुणाचे पाय धरले आणि काय तडजोड केली याचा भांडाफोड विधानसभा निवडणुकीच्या विजयी सभेत करणार आहे, अशी टिका भाजपचे उमेदवार माजी मंत्री बबनराव पाचपुते यांनी विरोधकांवर केली.
काष्टी (ता. श्रीगोंदा) येथे भाजप बुध कार्यकर्त्यांची बैठक पार पडली. त्यावेळी ते बोलत होते. यावेळी माजी खासदार दिलीप गांधी, जिल्हा बँकेचे संचालक दत्तात्रय पानसरे, संतोष लगड, अनिल पाचपुते, शहाजी हिरवे, दत्तात्रय कोठारे, भैय्या लगड, दिनकर पंधरकर, सुनील दरेकर, बापू गोरे, अशोक खेंडके, मच्छिंद्र कराळे, मनोज कोकाटे, दिलीप रासकर, गणपतराव काकडे आदी उपस्थित होते.
पाचपुते म्हणाले, कुकडी साखर कारखान्यावर प्रशासक नेमावा म्हणून न्यायालयात जाण्याची भाषा कोणी केली होती. त्यांचा प्रचार करण्याची वेळ आज कुणावर आली हे जनतेला कळते. मतदारसंघात जर विकास कामांचा डोंगर उभा केला होता तर स्वतः मैदानात का उतरले नाहीत, अशी टीका आमदार जगताप यांच्यावर केली.
कारखाना अडचणीत आला असे ते आता सांगतात. कुकडी कारखान्याविरोधात कोर्टात अहवाल कुणी नेला . प्रशासक बसवा अशी मागणी कोणी केली. कुकडीचा चौकशी अहवाल तयार झाला. त्यावर प्रशासक नेमणूक करा, असा आदेश होता.
त्या प्रकरणात तडजोडी कुणी केल्या, हे सर्व आम्हाला माहित आहे, असे पाचपुते यांनी सांगितले . गांधी म्हणाले, भाजपचे जुने कार्यकर्ते कुणाच्या पैशाला हात न लावता निवडणुकीत काम करतात. त्यामुळे या निवडणुकीत काळजी करण्याचे कारण नाही.
- Top Cow Breed In India: ‘या’ आहेत भारतातील सर्वात जास्त दूध देणाऱ्या देशी गाईच्या जाती! वाचा वैशिष्ट्ये आणि गाईंची किंमत
- Ahmednagar News : अहमदनगरमध्ये चाललंय काय ? ‘या’ ठिकाणी ७ दिवसात ३ मृतदेह सापडले
- उन्हाळ्यातील गर्मीत फिरा झारखंडमधील काश्मीर! झारखंड मधील ‘हे’ ठिकाण सिमला आणि मनालीला देखील पाडते फिके
- Senior Citizen : ज्येष्ठ नागरिकांची मज्जाच-मज्जा! ‘या’ बँकात एफडी करा पैसे होतील दुप्पट, नावं जाणून घेण्यासाठी वाचा ही बातमी
- Business Idea: एक लॅपटॉप घ्या आणि रेल्वेसोबत व्यवसाय करा! महिन्याला होईल 50 हजार रुपये कमाई