नाशिक : विधानसभा निवडणुकीच्या जागावाटपावरून भाजपा-शिवसेना युतीत झालेल्या मतभेदांचा कल्याण-उल्हासनगर पाठोपाठ नाशकातही भडका उडाला.
नाशिक पश्चिम विधानसभा मतदारसंघातील भाजपाच्या उमेदवार सीमा हिरे यांच्याविरोधात शिवसेनेचे बंडखोर नगरसेवक विलास शिंदे यांना बळ देण्यासाठी सेनेचे ३६ नगरसेवक व दोन्ही महानगरप्रमुखांसह ३५० पदाधिकाऱ्यांनी पक्षप्रमुख उद्धव ठाकरे यांच्याकडे राजीनामे पाठवले आहेत.
शिवसेनेच्या बालेकिल्ल्यात भाजपाने केलेली घुसखोरी हाणून पाडण्यासाठीच आपला लढा असल्याचा निर्धार राजीनामा देणारे सेनेचे पदाधिकारी व नगरसेवकांनी व्यक्त केला असून, केवळ युतीचा धर्म पाळण्यासाठी शिवसैनिकांवर करावी लागणारी कारवाई पक्षप्रमुखांना यातनादायक ठरू नये, यासाठीच सर्व नगरसेवक व पदाधिकारी स्वत:हून पदाचा राजीनामा देत असल्याचे प्रमुख पदाधिकाऱ्यांनी या वेळी स्पष्ट केले.
लोकसभेचे यश विधानसभेतही गाठण्यासाठी भाजपा-शिवसेनेने पुन्हा एकदा युती केली असली, तरी युतीचा धागा उभय पक्षांतील कार्यकर्त्यांमध्ये निर्माण झालेली मनभेदाची दरी कमी करू शकलेला नाही. युतीच्या जागावाटपावरून राज्यभरात उभय पक्षांचे स् थानिक नेते आणि कार्यकर्त्यांमध्ये बेबनाव निर्माण झाला आहे.
यातून उद्भवलेल्या बंडखोरीतून नाशिक जिल्हादेखील वाचू शकलेला नाही. नाशिक जिल्ह्यातील १५ पैकी ९ विधानसभा मतदारसंघांत शिवसेना, तर सहा विधानसभा मतदारसंघांत भाजपा उमेदवारी करीत आहे.
- सरकारी कर्मचाऱ्यांसाठी कामाची बातमी ! महागाई भत्ता शून्य होणार की 50% च्या पुढे वाढत राहणार ? समोर आले नवीन अपडेट
- सोयाबीन लागवड : यंदा ‘या’ वाणाची लागवड करा, विक्रमी उत्पादन मिळणार !
- पंजाबरावांचा नवीन हवामान अंदाज आला ! महाराष्ट्रात आणखी ‘इतके’ दिवस सुरू राहणार वादळी पाऊस, डख नेमके काय म्हटलेत ?
- National Insurance Academy : पुण्यातील राष्ट्रीय विमा अकादमीमध्ये ‘या’ पदांसाठी भरती सुरु, वाचा सविस्तर…
- Naval Dockyard Mumbai Bharti : 8 वी, 10 वी आणि ITI उत्तीर्णांना नेव्हल डॉकयार्ड मुंबई मध्ये नोकरीची सुवर्णसंधी; फक्त करा ‘हे’ काम!