भाजपाचा बुरुज उद्ध्वस्त करण्यात पवारांना यश !

कर्जत – जामखेडच्या निकालाकडे संपूर्ण राज्याचे लक्ष लागले होते. भाजपाचे विद्यमान आमदार तथा मंत्री ना.शिंदे विरुद्ध पवारांचे नातू रोहित पवार यांच्यात लढत होती. भाजपा व राष्ट्रवादी काँग्रेसच्या नेत्यांनी ही निवडणूक प्रतिष्ठेची केली होती.

रथी-महारथींच्या सभा कर्जत-जामखेडला गाजल्या. आरोप-प्रत्यारोपांच्या फैरीही झडल्या. रोहित पवारांनी तब्बल ४३ हजार ३४७ इतक्या मताधिक्क्यांनी ना.शिंदेंना पराभवाची धूळ चारली.

ना.शिंदे यांना ९२ हजार ४७७ तर पवार यांना १ लाख ३५ हजार ८२४ मते मिळाली. कर्जत-जामखेडमध्ये रामराया राज्य संपुष्टात येवून रोहितपर्व सुरु झाले आहे. ना.शिंदे यांनी कर्जत-जामखेडमधून सलग दोनदा निवडणूक जिंकली होती.

विशेष म्हणजे कर्जत-जामखेड हा मतदारसंघ गेल्या २५ ते ३० वर्षांपासून भाजपाचा बालेकिल्ला होता. भाजपाचा बुरुज उद्ध्वस्त करण्यात राष्ट्रवादीच्या रोहित पवारांना यश आले. 

• कर्जतच्या सबजेल परिसरात ‘अंधेरा कायम रहे’
• दिवंगत शिवसेना नेते अनिल भैयांसाठी श्रद्धांजली सभेचे आयोजन
• अहमदनगर कोरोना ब्रेकिंग : चोवीस तासांत वाढले इतके रुग्ण वाचा सविस्तर अपडेट्स
• मनपाच्या अधिकाऱ्यांची तक्रार थेट नगरविकास मंत्र्यांच्या दरबारी
• राहुरी तालुक्यात असेही एक गाव आहे जिथे टॉवर आहे मात्र …