कयार चक्रीवादळापाठोपाठ आता महाचक्रीवादळाचा धोका निर्माण झाला आहे. लक्षद्वीप व लगतच्या दक्षिणपूर्व अरबी समुद्रावर हे वादळ घोंघावत आहे. तसेच कयार वादळही पश्चिमेमध्ये अरबी समुद्रावर आहे. दरम्यान, राज्यात पुन्हा पाऊस सक्रिय होत असून, येत्या चोवीस तासांत संपूर्ण राज्यात मेघगर्जना व विजांच्या कडकडाटासह पावसाची शक्यता आहे. आगामी पुढील तीन दिवस राज्याच्या विविध भागांत पाऊस बरसण्याची शक्यता हवामान विभागाने वर्तविली आहे.
राज्यात पडत असलेल्या पावसाला कयार कारणीभूत होते. आता महाचक्रीवादळाचा धोका कोकण किनारपट्टीच्या भागाला काही प्रमाणात आहे. दक्षिण कोकणात जोरदार पावसाची शक्यता आहे. तसेच पुढील दोन-तीन दिवस समुद्र खवळलेला असणार आहे. या चक्रीवादळाचा फटका केरळ, तामिळनाडू, लक्षद्वीप या भागांमध्ये बसणार असून, येथे मुसळधार पावसाची शक्यता आहे. अरबी समुद्रावर कमी दाबाचा पट्टा कार्यरत असल्यामुळे राज्यात मान्सून सक्रिय आहे. त्यामुळे राज्याच्या विविध भागांत पाऊस पडत आहे.
४ नोव्हेंबरपर्यंत मध्य महाराष्ट्र, कोकण, मराठवाडा व विदर्भातील विविध भागांत पावसाची शक्यता वर्तविण्यात आली आहे. गेल्या चोवीस तासांत मध्य महाराष्ट्रात, कोकण, मराठवाडा, विदर्भातील काही भागांत पाऊस पडला. कोकण-गोवा व विदर्भाच्या काही भागांत कमाल तापमानात सरासरीच्या तुलनेत किंचित वाढ व मध्य महाराष्ट्राच्या काही भागांत कमाल तापमानात सरासरीच्या तुलनेत किंचित घट झाली आहे.
- इंजीनियरिंगला ऍडमिशन हवंय ? स्वातंत्र्यापूर्वी स्थापित झालेल्या ‘या’ कॉलेजमध्ये प्रवेश घ्या, गुगल आणि मायक्रोसॉफ्टसारख्या कंपन्यांमध्ये कामाची संधी
- ‘या’ नागरिकांना फिक्स डिपॉझिट वर मिळणार 9.10 टक्क्यांचे व्याज ! कोणत्या बँकेने आणली नवीन योजना? वाचा…
- सरकारी कर्मचाऱ्यांसाठी आणि पेन्शन धारकांसाठी महत्त्वाची बातमी ! यावेळी ‘इतका’ वाढणार महागाई भत्ता, थकबाकीचाही लाभ मिळणार
- एलपीजी ग्राहकांसाठी कामाची बातमी! आता ‘या’ ग्राहकांना ऑनलाइन सिलेंडर बुक करता येणार नाही
- मुंबई ते खानदेश दरम्यानचा प्रवास होणार सुपरफास्ट ! तयार होणार नवा मार्ग, सरकारचा मास्टर प्लॅन काय सांगतो ?
