मुंबई :- सार्वजनिक बांधकाम मंत्री चंद्रकांत पाटील यांनी खड्डे दाखवा, हजार रुपये मिळवा, अशी घोषणा केल्यानंतर ती हवेतच विरली होती. आता मात्र मुंबई महापालिकेने देखील ‘खड्डे दाखवा, पैसे मिळवा’ ही योजना सुरू केली आहे.
गेल्या ऑगस्ट महिन्यात शहरातील रस्त्यांवर फक्त ४१४ खड्डे असल्याचा दावा मुंबई महापालिकेने केला होता. मात्र नागरिक, सामाजिक कार्यकर्ते तसेच विरोधी पक्षांनी हा दावा खोटा ठरवला. मुंबईतील रस्त्यांवरील खड्ड्यांसंबंधी महापालिकेच्या एमसीजीएम २४७७ अ‍ॅपवर हजारो तक्रारी आल्या आहेत.
या तक्रारींची दखल घेऊन अनेक खड्डे बुजवण्यात आल्याचा दावा पालिकेने केला आहे. मात्र मुंबईतील अनेक रस्त्यांवर अजूनही खड्डे कायम असल्याची स्थिती आहे. दरम्यान, खड्डेमुक्त मुंबई करण्यासाठी पालिका आयुक्त प्रवीण परदेशी यांनी खड्डे दाखवा ५०० रुपये मिळवा,
ही नवीन योजना आणली आहे. १ नोव्हेंबरपासून या योजनेला प्रारंभ होत आहे. त्यामुळे मुंबईत खड्डा दाखवणाऱ्या मुंबईकरांना पालिका प्रशासनाकडून ५०० रुपये मिळणार आहेत.
- भाजप नगरसेवकांची आ.रोहीत पवार यांना सरप्राईज भेट
- मोठी बातमी : ‘त्या’ पोलीस निरीक्षकाविरोधात गुन्हा दाखल !
- अहमदनगर कोरोना ब्रेकींग : आज वाढले ‘इतके’ रुग्ण वाचा सविस्तर अपडेट्स
- गावाच्या समस्येवर नागरिकांनीच शोधला उपाय
- या तालुक्यात 90 दिवसात आढळले 1600 कोरोनाबाधित
