राहुरी : नगर-मनमाड राज्यमार्गावर ठिकठिकाणी मोठमोठे खड्डे पडले असून, या मार्गावरून प्रवास करणे अवघड झाले आहे. प्रशासन खड्ड्यांचा प्रश्न मार्गी लावण्यास तयार नसल्याने राहुरी फॅक्टरी येथील तरुणांनी एकत्रित येऊन ‘खड्ड्यांचे मोजमाप करा व बक्षीस मिळवा’ हे आंदोलन सुरू केले आहे.
नगर-मनमाड राज्यमार्गावर मोठमोठे खड्डे पडल्याने खड्ड्यात रस्ता की रस्त्यात खड्डा? असा प्रश्न निर्माण झाला आहे. या रस्त्यावर सातत्याने अपघात होऊन अनेक जण जखमी अन् मृत्युमुखी पडल्याच्या घटना घडल्या आहेत. शासनाचे डोळे उघडावे यासाठी राहुरी फॅक्टरी परिसरातील नागरिक व सामाजिक संघटनांनी एकत्र येऊन दि. २६ ऑक्टोबर रोजी दिवाळी सणाचा कालावधी असतानाही खड्ड्यांमध्ये वृक्षारोपण केले.
परंतु, रस्त्यावरील खड्डे बुजविण्याची तसदी शासनाने घेतली नाही. त्यामुळे राहुरी फॅक्टरी येथील युवकांनी ‘लढा नगर-मनमाड रस्त्यासाठी’ हा व्हॉट्स ॲप ग्रुप बनवून जिल्ह्यातील अनेक तरुणांना यात समाविष्ट करून नागरिकांसाठी खड्ड्यांचे मोजमाप करा व बक्षीस मिळवा ही योजना सुरू केली आहे.
यासाठी १ हजार, ७००, ५०० रुपये अशी बक्षिसे ठेऊन रस्त्यावर पडलेल्या खड्ड्यांचे छायाचित्र अथवा लांबी-रुंदीत मोजमाप करून ठिकाण आदी माहितीसह व्हॉट्स ॲप क्रमांकावर दि. ५ नोव्हेंबरपर्यंत मागितले असून, स्पर्धेचे बक्षीस वितरण ९ नोव्हेंबर रोजी सायंकाळी राहुरी फॅक्टरी येथील छत्रपती शिवाजी महाराज पुतळ्यासमोर करण्यात येणार आहे.
- सलमान खान-संजय दत्तमुळे बनलं एका फ्लॉप अभिनेत्याचं करिअर, 2004 चा ‘हा’ ब्लॉकबस्टर चित्रपट तुम्ही पाहिलाय का? वाचा पडद्यामागील कहाणी
- महिला क्रिकेटमध्ये सर्वाधिक विकेट्स घेणाऱ्या टॉप-6 खेळाडूंची यादी, नंबर-1 वर भारताची झुलन गोस्वामी!
- फक्त ₹200 मध्ये कॉलिंग, डेटा, OTT अॅक्सेस आणि बरंच काही; Jio, Airtel आणि Vi चे बेस्ट बजेट फ्रेंडली प्लॅन!
- ‘या’ 10 सवयी आत्ताच बदला, अन्यथा तुमचा फ्रीजच बनू शकतो टाइम बॉम्ब! एका झटक्यात घर जळून खाक होईल
- नोकरी सोडून स्वतःचा व्यवसाय सुरू करायचाय? ‘या’ सरकारी स्कीम्स देतील 10 लाखांपासून 10 कोटींपर्यंत लोन; जाणून घ्या संपूर्ण माहिती!
