Ahmednagar NewsBreaking

मोटारसायकलींचा अपघात; मुलीचा मृत्यू

अहमदनगर : दोन मोटारसायकलचा अपघात होवून यात प्रिती संतोष म्हस्के या १३ वर्षांच्या मुलीचा मृत्यू तर भानुदास केशव खराडे हे जखमी झाले आहेत.

ही घटना दि.९ ऑक्टोबर रोजी कुळधरण गावच्या शिवारातील इंडियन ऑईल पेट्रोल पंपासमोर घडला असून, याप्रकरणी महेश बबन कुलथे (रा.दुरगाव,ता.कर्जत) याच्यावर गुन्हा दाखल करण्यात आला आहे.

याबाबत सविस्तर असे की, भानुदास केशव खराडे हे त्यांची नात प्रिती संतोष म्हस्के हीला मोटारसायकलवरून कापरेवाडी येथे घेवून जात होते.यावेळी समोरून महेश बबन कुलथे हा त्याच्या ताब्यातील (एमएच १६ सीएम १९३१) ही मोटारसायकल भरधाव वेगात चालवून खराडे यांच्या मोटारसायकलला धडक दिली.

यात प्रिती ही दुचाकीवरून उडून पडल्याने तिचा मृत्यू झाला तर भानुदास खराडे हे जखमी झाले आहेत. या प्रकरणी मच्छिंद्र केशव खराडे यांच्या फिर्यादीवरून कर्जत पोलिसांत गुन्हा दाखल करण्यात आला आहे.याबाबत अधिक तपास पोहना.नागरगोजे हे करत आहेत.

Ahmednagarlive24

No1 News Network Of Ahmednagar जगभरातील लाखो वाचक असलेले अहमदनगर जिल्ह्यातील सर्वाधिक लोकप्रिय व विश्वासार्ह न्यूज पोर्टल.

Related Articles

Leave a Reply

Your email address will not be published. Required fields are marked *

Back to top button