श्रीरामपूर: प्रभात दूधचे सारंगधर निर्मळ यांच्या बंगल्यातील चोरीची घटना ताजी असतानाच खैरी निमगाव येथील सात घरांतून सोन्याच्या दागिन्यांसह लाखो रुपयांचा ऐवज चोरांनी लंपास केला. खैरी निमगाव येथील राजेंद्र ढोबळे हे पत्नी, मुलांसह दिवाळीत अंदरसुलला गेले होते.
चोरट्यांनी कटरने त्यांच्या घराच्या दरवाजाचा कडी-कोयंडा कापून आत प्रवेश केला. उचकापाचक करत १२ तोळे सोन्याचे दागिने त्यांनी चोरून नेले. त्यांच्या शेजारी राहत असलेले माजी आमदार भानुदास मुरकुटे यांचे स्वीय सहायक अप्पासाहेब दुशिंग यांच्या घरातदेखील त्याच पद्धतीने प्रवेश करत दोन तोळे सोने आणि ४ हजार रुपये लांबवण्यात आले.
माजी तंटामुक्ती अध्यक्ष गोपीचंद भागडे यांच्या घरातील अडीच तोळे सोने आणि १२ हजार रुपये, भानुदास कचरू जाधव यांच्या घरात आवारातून प्रवेश करत संदीप जाधव यांच्या खिशातील पाकिटातून ७ हजार ३०० रुपये, मुलीच्या गळ्यातील ओम चोरट्यांनी लांबवला.
लीलाबाई पंढरीनाथ जोजे आणि देवराम तुपे यांच्या घराच्या दरवाजाचा कडी-कोयंडा कटरने तोडून सामानाची उचकापाचक चोरांनी केली. घरी कोणी नसल्याने कितीची चोरी झाली हे समजू शकले नाही.
- Onion Export:….. या कारणामुळे कांदा निर्यात बंदी आणखी वाढवली; केंद्राने स्पष्ट केले या निर्णयामागील कारण
- आचार्य श्री.कुंदनऋषीजी महाराज यांनी दिली सुजय विखे पाटलांना विजयाची निश्चिती
- पोकराअंतर्गत आली नवीन विहिरी योजना! शेतकऱ्यांना विहीर खोदण्यासाठी मिळेल 100 टक्के अनुदान, वाचा ए टू झेड माहिती
- समृद्धीच्या बोगद्यामधील लाईट यंत्रणा बंद
- भिडेंच्या कार्यक्रमाला आंबेडकरी अनुयायांचा विरोध