नेवासा : नगर-औरंगाबाद महामार्गावर झालेल्या कंटेनर-कार अपघातात एक जण ठार तर एक जण जखमी झाला आहे.
विठ्ठल पांडुरंग कौसे (वय ३२, रा.कावलगाव, ता.पूर्णा, जि. परभणी) हे अपघातात मृत झाले, तर अनिल सखाराम पारसकर (निगडी, ता.मावळ, जि.पुणे) हे जखमी झाले आहेत.
याबाबत सविस्तर माहिती अशी कि, पारसकर व कौसे हे स्वीप्ट कारमधून मंगळवारी नांदेड येथून पुण्याकडे निघाले होते.
बुधवारी रात्री दोनच्या सुमारास औरंगाबाद येथून पुण्याकडे जात असताना देवगड फाट्याजवळ रस्त्याच्या कडेला कंटेनरच्या मागील बाजूस कुठल्याही प्रकारचे इंडिकेटर नसल्याने कार कंटेनरवर आदळली.
यावेळी मोठा आवाज झाल्याने आजूबाजूला राहणारे नागरिक त्वरित घटनास्थळी येऊन दोघांना कारमधून बाहेर काढले.
मात्र चालक विठ्ठल कौसे हा जागीच ठार झाला. तर जखमी अनिल पारसकर यांना नेवासा फाटा येथील ग्रामीण रुग्णालयात उपचारासाठी दाखल केले आहे.
- अहमदनगर ब्रेकिंग : जिल्ह्यातील ‘या’ धरणात पोलीस वाहून गेला !
- पोलीस अधिक्षकांची एन्ट्री लांबणीवर ‘हे’ आहे कारण !
- महामार्गावरील खड्ड्यांची वारी थेट केंदीय मंत्र्यांच्या दारी
- या तालुक्यात कोरोना पॉझिटिव्ह कर्मचाऱ्यास वसुलीसाठी नोटीस
- या तालुक्याच्या नगराध्यक्षपदाच्या निवडणुकीसाठी उद्या बैठक होणार
