मुसळधार पावसामुळे झालेल्या नुकसानीचे विदारक चित्र पाहून आ. तनपुरे हळहळले

राहुरी: म्हैसगाव , शेरी चिखलठाण येथे मुसळधार पावसामुळे झालेल्या नुकसानीची आमदार प्राजक्त तनपुरे यांनी पाहणी केली. यावेळी ‘ पिकांच्या नुकसानीसह, वाहून गेलेल्या शेतीचे स्वतंत्र पंचनामे करावेत’ , अशी सूचना त्यांनी तहसीलदारांना केली. 

जिल्हाधिकारी राहुल द्विवेदी यांना मोबाईलवर संपर्क साधून , नैसर्गिक आपत्ती व्यवस्थापन निधीतून नुकसानग्रस्त शेतकऱ्यांना तातडीने मदत द्यावी . रस्त्यांच्या कामासाठीही निधी देण्याची मागणी त्यांनी केली. 

ओढे – नाल्यांतील पाण्यातून वाट काढत , उंच – सखल जमिनीवरील चिखल तुडवत , दोन किलोमीटर पायी चालून तनपुरे यांनी फुटलेले बंधारे पाहिले . वाहून गेलेली शेती व ऊसपिके , मुळासकट उपटलेल्या डाळिंबबागा खराब झालेले रस्ते , असे विदारक चित्र पाहून तनपुरे हळहळले.

रस्ते व बंधाऱ्यांसाठी निधी उपलब्ध करून देण्याचे आश्वासन त्यांनी ग्रामस्थांना दिले . 
जिल्हाधिकाऱ्यांनी पाठविलेल्या ड्रोनच्या साह्याने कुरणदरा ओढ्याच्या दुतर्फा शेतजमिनींच्या नुकसानीचे चित्रीकरण करण्यात आले .

दरम्यान, पिकांच्या नुकसानीसाठी जिरायती क्षेत्राला रुपये ६८०० , तर बागायत क्षेत्राला १८ हजार रुपये हेक्टरी मदत दिली जाईल . वाहून गेलेल्या शेतजमिनीसाठी ३७ हजार ५०० व मातीचा भर जमा झालेल्या शेतजमिनीसाठी १३ हजार ५०० रुपये मदत दिली जाईल, असे तहसीलदार शेख यांनी सांगितले.

• आरोग्यमंत्र्यांची भेट घेत आमदार जगतापांनी केली ही मागणी
• कोविड सेंटरबाबत माजी आमदारांचे तहसीलदारांना पत्र
• प्रवरा उद्योगसमूहाने घेतला हा कौतुकास्पद निर्णय
• ही लोकशाही नव्हे, तर हुकुमशाही ; महसूलमंत्र्यांचे मोदींवर टीकास्त्र
• राहुरी नगरपालिकेच्या नगराध्यक्ष पदासाठी यांनी दाखल केले अर्ज