संगमनेर : संगमनेर शहर पोलिस ठाण्याच्या हद्दीत गेल्या काही दिवसांपासून मोटारसायकली चोरी जाण्याचे प्रमाण मोठ्या प्रमाणात वाढले असून मंगळवारी पुन्हा चिखली शिवारातील लक्ष्मी माता मंदिरापासून वीस हजार रुपये किंमतीची मोटारसायकल अज्ञात चोरट्याने चोरुन पोबारा केला आहे.
यामुळे मोटारसायकल चोरांनाही संगमनेर शहराचा लळा लागला की काय, असा प्रश्नही आता निर्माण झाला आहे. त्यामुळे मोटारसायकल स्वारांमध्ये भितीचे वातावरण पसरले आहे. तर शहर पोलिस ठाण्याचे पोलिस निरिक्षक अभय परमार हे कधी या मोटारसायकल चोऱ्यांच्या मुसक्या आवळणार,असा प्रश्नही आता निर्माण झाला आहे.
गेल्या एक ते दोन महिन्यांपासून संगमनेर शहरातील ठिकठिकाणच्या भागातून व हॉस्पीटल समोरुन अज्ञात चोरट्यांनी मोटारसायकली चोरुन पोबारा केला आहे. पण अद्यापही शहर पोलिसांना या मोटारसायकल चोरट्यांचा शोध लावता आला नाही.
त्यामुळे मोटारसायकलस्वार अक्षरश: चोरट्यांना वैतागले आहेत. जवळपास एका एका मोटारसायकलची किंमत दहा ते वीस हजार रुपये ऐवढी आहे. गुन्हा दाखल करण्यापलीकडे पोलिस काहीच करत नाही. हे चोरटे बरोबर पाळत ठेवून मोटारसायकली चोरुन पोबारा करत आहेत. आत्तापर्यंत अनेक मोटारसायकली चोरी गेल्याच्या घटना घडल्या आहेत.
- पृथ्वीवर दुहेरी संकट, हवामान बदलामुळे हिमनद्या संपतील अन्…; शास्त्रज्ञांचा गंभीर इशारा!
- भारताच्या आधुनिक शस्त्रास्त्रांची ‘ही’ यादी वाचून तुम्हालाही अभिमान वाटेल! ब्रह्मोस ते तेजस, सगळं येथे जाणून घ्या!
- फक्त भारतच नाही, ‘या’ देशांमध्येही गुंजतो ‘हर हर महादेव’चा जयघोष! जाणून घ्या परदेशातील प्रसिद्ध मंदिरं
- अहिल्यानगर जिल्ह्यातील जिल्हा परिषद शाळांचा पटसंख्या टिकवण्यासाठी संघर्ष, इंग्रजी शाळांकडे कल वाढल्यामुळे मराठी शाळा बंद होण्याच्या मार्गावर
- ‘या’ अंकाचे लोक सोन्यासारखं नशिब घेऊन जन्मतात; त्यांची मैत्री म्हणजे करोडपती होण्याची संधी! जाणून घ्या त्यांचे गुण आणि स्वभाव
