सोनई : सोनई येथील गजबजलेल्या माधवबाबा चौकातील जुगार अड्ड्यावर सोनई पोलीस ठाण्याचे सहाय्यक निरीक्षक जनार्धन सोनवणे यांच्या पथकाने छापा टाकला. यावेळी चार जणांविरुद्ध गुन्हा दाखल करण्यात आला असून, २२ हजारांचा मुद्देमाल जप्त करण्यात आला आहे.
याबाबत पोलिसांनी सांगितलेली माहिती अशी, सोनईचे सहायक पोलीस निरीक्षक सोनवणे यांना गुप्त बातमीदाराकडून समजले की, माधवबाबा चौकात काहीजण तिरट नावाचा जुगार खेळत आहेत. त्यानुसार तेथे सोनई पोलिसांनी छापा टाकला.
तेथे सादिक लतिब शेख (३९, रा. गडाख गल्ली, सोनई), नागेश कोंडीराम गुंजाळ (वय ३८, रा. मुळा कारखाना), अजय केशव गडाख (वय ३९, रा. गडाख गल्ली, सोनई), रियाज शेख (वय २४, रा. सोनई) हे पत्त्यांवर तिरट नावाचा जुगार खेळताना आढळून आले.
आरोपींना ताब्यात घेऊन त्यांच्यावर महाराष्ट्र जुगार कायदा कलम १२ (अ) प्रमाणे गुन्हा दाखल करण्यात आला आहे. पोलीस कॉन्स्टेबल अमोल जवरे यांनी फिर्याद दिली आहे. आरोपींकडून रोख रक्कम व मोबाइल, असा २१ हजार ८०० रुपयांचा मुद्देमाल जप्त करण्यात आला आहे.
- अहिल्यानगरच्या फळबाजारात डाळिंबाला प्रतिक्विंटल १६ हजार रुपयांपर्यंत भाव, सफरचंदाने गाठला २४ हजारांचा टप्पा
- महाराष्ट्रातील मुख्यमंत्र्यांचा पगार किती ? पगाराव्यतिरिक्त आणखी कोणते भत्ते मिळतात, पगाराचा आकडा पाहून थक्क व्हाल
- महाराष्ट्रातील ‘या’ राज्य कर्मचाऱ्यांना वयाच्या 50/55 व्या वर्षी सक्तीची निवृत्ती दिली जाणार ? ह्या विभागाचा नवा जीआर
- अहिल्यानगरच्या भाजीपाला बाजारात वांगे, कारल्याला ८ हजारांपर्यंत दर, बाजारात २३०२ क्विंटल भाजीपाल्याची आवक
- अहिल्यानगर जिल्हा कृषी क्षेत्रात अन् दुधाच्या उत्पादनात राज्यात आघाडीवर- जिल्हाधिकारी डाॅ. पंकज आशिया
