BreakingMaharashtra

बेरोजगारीला कंटाळून डीएड झालेल्या तरुणाची विहिरीत उडी

जळगाव सपकाळ – उच्च शिक्षण घेऊनही नोकरी मिळत नसल्यामुळे बेरोजगार असलेल्या तरुणाने विहिरीत उडी मारून आत्महत्या केल्याची घटना भोकरदन तालुक्यातील जळगाव सपकाळ येथे मंगळवारी उघडकीस आली. गणेश नामदेव सपकाळ (३२) असे मृत तरुणाचे नाव आहे.

जळगाव सपकाळ येथील गणेश सपकाळ यांचे शिक्षण डीएड पर्यत झालेले आहे. त्यांच्या घरची परिस्थिती हलाखीची असल्याने नोकरी मिळवण्यासाठी त्यांचा प्रयत्न सुरूच होता.
परंतु, हलाखीची परिस्थिती, एक एकर शेतीमुळे ते नेहमी तणावाखाली राहायचे. घर खर्च भागावा म्हणून ते शिकवणी वर्ग घेत असे. दरम्यान सोमवारी कुणाला न सांगता ते घरातून निघून गेले होते.
नातेवाइकांनी त्यांचा शोध घेतला असता, शेतातील विहिरीत मंगळवारी त्यांचा मृतदेह दिसून आला.

Ahmednagarlive24

No1 News Network Of Ahmednagar जगभरातील लाखो वाचक असलेले अहमदनगर जिल्ह्यातील सर्वाधिक लोकप्रिय व विश्वासार्ह न्यूज पोर्टल.

Related Articles

Leave a Reply

Your email address will not be published. Required fields are marked *

Back to top button