Lifestyle

ह्या वन मिनिट प्रिन्सिपल तुमचे अवघे आयुष्य बदलेल !

सोशल मिडीया :- दहा दिवस हा प्रयोग सगळ्यांनी मिळून करायचा आहे. एखादी चांगली सवय जी आपल्याला असायला हवी असं मनापासून वाटतंय; पण जमतच नाही, कळतंय पण मन वळत नाही, असं वाटतंय, अशी एकच एक सवय, चांगली गोष्ट निवडा. या सवयीचा अक्षरशः लहानसा भाग ठरवा. लहान किती, तर अक्षरशः ‘काही तरीच काय, फक्त इतकंच’ असं वाटेल, बालिशपणा वाटेल इतका लहान भाग.

१. रोज एका पुस्तकाचं एकच पान.
२. रोज एकच सूर्यनमस्कार.
३. रोज एक योगासन.
४. रोज पाच मिनिटं मेडिटेशन
५. रोज चांगल्या अक्षरात दोन ओळी लिहिणे.
६. रोज चार किलोमीटर चालणे.

असंच.. कितीही … काहीही..
या अक्षरशः एका मिनिटाच्या व्रताने पुढे काय बदल होऊ शकेल हे प्रत्यक्ष अनुभवानेच समजून घ्या. 
कोण कोण एक मिनिटाच्या सवयीत भाग घेतंय?
रोज दिवसभरात कधीही एकदा ते एक मिनिट ते ठरवलेलं काम करायचंय.
२१ दिवसांत साधारण सवय लागते… त्यामुळे संकल्प २१ दिवसांचाच करा. 
काय आहे वन मिनिट प्रिन्सिपल?
जपानमध्ये Kaizen चा शोध लागला आणि मानवी आयुष्याला जबरदस्त कलाटणी मिळाली. Kai म्हणजे बदल आणि झेन म्हणजे शहाणपणा.
आयुष्याला आकार देणाऱ्या या जादूच्या तंत्राचा उपयोग करून आपण आपले जगणे आणखी सोपे आणि सहज करू शकतो. वेळेच्या नियोजनात आजवर शिकलेल्या सर्व युक्त्यांपेक्षा अतिशय सोपी युक्ती म्हणजे, वन मिनिट प्रिन्सिपल.
Masaaki Imai यांनी ‘वन मिनिट प्रिन्सिपल’चा शोध लावला आणि आज जपान या तंत्राचा अवलंब करत यशाची शिखरे गाठणारा देश ठरला आहे. 

आपण वेळेच्या नियोजनात अपयशी ठरतो, त्याचे कारण सातत्य ठेवण्यात कमी पडतो. त्यामुळे अपराधी भाव येतो. तो वाढत वाढत आत्मग्लानीचं रूप घेतो, आपण काही करू शकत नाही आपल्यात जिद्द नाही, आपण एखादे काम करण्यास लायक नाही, अशी नकारात्मकता आपल्याला ग्रासून टाकते. अशा वेळी एखाद्या जादूसारखं ते टेक्निक काम करतं. 
काय आहे सूत्र? 
सवयी किंवा आयुष्यातला बदल हा अचानक होत नसून, तो सावकाश पण नियोजनपूर्वक शहाणपणाने करायला हवा. सातत्य आणि सराव यासाठी नियमित योजना असते. आत्मविश्वास देणारा हा नियम म्हणजे ६० सेकंद दररोज एखाद्या ध्येयासाठी वापरा. 
आपल्याला हसू येईल, विश्वास बसणार नाही; पण दररोज एक मिनिट हा चमत्कारासारखे रिझल्ट देतो. काय आहे नियम तर…
Every day
At the same time
Just for a minute…
दररोज ठरावीक वेळी फक्त एक मिनिट.
कोणत्याही ध्येयाशी संबंधित एखादे काम पूर्ण करायचे असेल, तर व्रत घेतल्यासारखे ते करायचे, हे यशाचे सूत्र आपण जाणतो; पण त्यासाठी एकदम दोन तास, एक तास अशा तासांच्या भाषेत हट्टीपणा करतो आणि मन बंड पुकारते. कधीकधी परिस्थितीची साथ नसते. 
अशा वेळी एक मिनिट, फक्त एक मिनिट करायचे आहे हे ठरवताच हसत हसत आपण तयार होतो. मनाची साथ मिळते आणि तेवढा वेळ सहज काढू शकू असा आत्मविश्वास तयार होतो. 
आता कामाला, कृतीला सुरुवात करायची. एक मिनिट काम करायचे आणि अक्षरश: बाजूला ठेवून द्यायचे. दुसऱ्या दिवशी परत तेच. गंजलेल्या चाकाला रोज एकदा फिरवायचे, बंद पडलेली गाडी रोज एकदा फक्त सुरू करायची, रोज एक पान वाचायचे, रोज पाच ओळी लिहायच्या, रोज एक श्लोक वाचायचा, रोज एक काहीही छोटंसं..
जमेल? 
सोप्पं हो नक्कीच!
एकदा गती मिळाली, की ते काम झपाट्याने पूर्ण होईल. हा प्रयोग करून तर पाहा, अनुभव घ्या..

Ahmednagarlive24

No1 News Network Of Ahmednagar जगभरातील लाखो वाचक असलेले अहमदनगर जिल्ह्यातील सर्वाधिक लोकप्रिय व विश्वासार्ह न्यूज पोर्टल.

Related Articles

Leave a Reply

Your email address will not be published. Required fields are marked *

Back to top button