Ahmednagarlive24.com
Breaking News Updates of Ahmednagar

‘या’ कारणामुळे झाली त्या महिलेची गोळ्या झाडून हत्या !

अहमदनगर लाईव्ह 24 टीम :- पारनेर तालुक्यातील वडझिरे येथे एकाने पिस्तूलातून केलेल्या गोळीबारात सविता सुनील गायकवाड (वय 35) ही महिला ठार झाली. ही घटना सोमवारी रात्री पावणे दहाच्या सुमारास घडली. यामुळे तालुक्यात खळबळ उडाली आहे.

पारनेर तालुक्यातील पारनेर-अलकुटी मार्गावर वडझिरे गावात दहाच्या दरम्यान एक ते दोन युवकांनी येऊन सविता गायकवाड यांच्याबरोबर वाद घालण्यास सुरुवात केली. या वादात एका तरुणाने स्वतः कडील पिस्तुल काढून सविता गायकवाड यांच्यावर गोळीबार केला. त्याने एका पाठोपाठ तीन गोळ्या झाडल्या.

एक गोळी त्यांच्या हाताच्या पंजाला दुसरी मानेला तर तिसरी गोळी कानाजवळ लागली. आरडाओरडा केल्यानंतर जमाव जमला. गोळीबारानंतर ते दोघे तरूण पळून गेले. महिलेच्या मुलीने आरडाओरड केल्यानंतर गावकरी जमा झाले. त्यांनी सविता यांना रूग्णवाहिकेतून उपचारासाठी हलवले. मात्र, रस्त्यातच त्यांचा मृत्यू झाला.

गायकवाड यांचा मृतदेह पारनेर ग्रामीण रुग्णालयात आणण्यात आला आहे. वैद्यकीय तपासणीतून तीन गोळ्या छातीत घुसल्याने गायकवाड यांचा मृत्यू झाल्याचे समोर आले आहे. राहुल गोरख साबळे असे गोळीबार करणाऱ्या तरुणाचं नाव आहे.

राहुल साबळे याच्या विरोधात गायकवाड आणि त्यांच्या मेहुण्यांनी तक्रार केली होती. तक्रार दिल्याचा राग मनात ठेवून आरोपीने फिर्यादी संतोष उबाळे आणि त्यांची मेहुणी साविता गायकवाड यांना शिवीगाळ करून गोळ्या झाडून तिला ठार मारले.

This Story First Publish on Ahmednagarlive24.com®

No1 News Network Of Ahmednagar™

जगभरातील लाखो वाचक असलेले अहमदनगर जिल्ह्यातील सर्वाधिक लोकप्रिय व विश्वासार्ह न्यूज पोर्टल www.ahmednagarlive24.com

Get real time updates directly on you device, subscribe now.