Breaking

जिल्ह्यात पुन्हा राजकीय नाट्य ! ‘ह्या’ सभापतींचा राजीनामा

अहमदनगर Live24 टीम ,11 जुलै 2020 : पारनेरच्या नगरसेवकांचे पक्षांतरनाचे राजकीय नाट्य संपते न संपते तोच श्रीगोंदा कृषिउत्पन्न बाजार समितीचे सभापती धनसिंग विठ्ठल भोइटे यांनी आपल्या पदाचा राजीनामा जिल्हा उपनिबंधक दिग्विजय आहेर

यांच्या कार्यालयकडे सोपवल्याने राजकीय खळबळ उडाली आहे. मागील साडेतीन वर्षांपासून नामधारी पद व सह्यांचे अधिकार नसल्याने हा राजीनामा दिल्याचे त्यांनी सांगितले.

या कृषिउत्पन्न बाजार समितीमध्ये जगताप, नागवडे गटाचे 10 संचालक तर भाजपच्या आमदार बबनराव पाचपुते गटाचे आठ संचालक निवडून आले होते. आघाडीचे प्रवीणकुमार नाहाटा हे सभापती होते.

त्यांनी राजीनामा दिल्यावर धनसिंग भोइटे सभापती म्हणून तर उपसभापती म्हणून तर भाजपचे वैभव पाचपुते यांची निवड करण्यात आली.

नाहाटा यांची पंचायत समितीच्या निवडणुकीत हार झाल्याने व जामदार यांचे उपसभापतिपद गेल्याने अवघ्या पाचच महिन्यांत आघाडी धर्म सोडून

वैभव पाचपुते यांच्याशी हातमिळवणी करत सभापती धनसिंग भोइटे यांचे सह्यांसह सर्व अधिकार काढून घेत नाममात्र सभापती ठेवले.

उपसभापती वैभव पाचपुते यांनी सगळा कारभार हातात घेतला. याबाबत इतर संचालक तक्रार करत असताना सभापती भोइटे यांनी सभापतिपदाचा राजीनामा दिला आहे.

आता अनेक दिवसांपासून उपसभापती वैभव पाचपुते यांच्या विरोधात असलेली खदखद बाहेर येऊन उपसभापती यांच्याच विरोधात एकत्र येऊन त्यांच्या विरोधात देखील अविश्वास ठराव येण्याची तयारी सुरु असल्याची चर्चा आहे.

अहमदनगर Live24 वर तुमच्या बातम्या / माहिती तसेच जाहिरातीसाठी संपर्क करा ahmednagarlive24@gmail.com

जॉईन व्हा आमच्या फेसबुक ग्रुपमध्ये
https://www.facebook.com/groups/Ahmednagarlivenews

Tags

Ahmednagarlive24

No1 News Network Of Ahmednagar जगभरातील लाखो वाचक असलेले अहमदनगर जिल्ह्यातील सर्वाधिक लोकप्रिय व विश्वासार्ह न्यूज पोर्टल.

Related Articles

Leave a Reply

Your email address will not be published. Required fields are marked *

Back to top button
Close
Close