Ahmednagar News

कर्करोगावर प्रबोधनात्मक ‘आरसा’ ओटीटी प्लँटफॉर्मवर प्रदर्शित

अहमदनगर Live24 टीम,8 सप्टेंबर 2020 :- कर्करोगावर प्रबोधनात्मक ‘आरसा’ हा सामाजिक लघुपट नुकताच ‘हंगामा प्ले’ या ओटीटी प्लँटफॉर्मवर प्रदर्शित झाला आहे. येथील आशिष निनगुरकर यांनी या लघुपटाचे लेखन केले आहे. ‘आरसा’ ही एका मुलीची गोष्ट आहे.

ज्या मुलीच्या आईला कॅन्सर असतो.अशावेळी ती आईला वचन देते.ते वचन पूर्ण करतांना तिचा प्रियकर तिला सोडून जातो. खरंतर आपले आयुष्य आरश्यासारखे असते.’जसे दिसते तसे नसते’,म्हणूनच ‘जगात जर आरसे नसते,तर काय बिघडले असते. माणसाचे डोळेच जर स्वच्छ लखलखीत असले असते. तर त्याच्या आत त्याला डोकावता आले असते.

‘ असा अनमोल संदेश या लघुपटातून देण्यात आला आहे. या लघुपटाचे दिग्दर्शन गणेश मोडक यांनी केले असून संकलन हर्षद वैती यांचे आहे. छायांकन योगेश अंधारे यांचे असून या लघुपटात श्वेता पगार, चैत्रा भुजबळ, संकेत कश्यप,गीतांजली कांबळी,वैष्णवी वेळापुरे व डॉ. स्मिता कासार यांनी भूमिका केल्या आहेत.

आशिष निनगुरकर यांनी या लघुपटाचे लेखन केले असून ‘काव्या ड्रीम मूव्हीज व सौ.किरण निनगुरकर’ यांनी या लघुपटाची निर्मिती केली आहे. या लघुपटासाठी निर्मिती व्यवस्थापक म्हणून प्रतिश सोनवणे, स्वप्निल निंबाळकर, सिद्धेश दळवी, प्रदीप कडू,अभिषेक लगस, सुनील जाधव,अजित वसंत पवार यांनी काम केले आहे.

या लघुपटाचे सहनिर्माते अशोक कुंदप व आशा कुंदप हे आहेत.’आरसा’ हा लघुपट कॅन्सर रोगाबद्दल जनजागृती करणारा आहे.’आरसा’ लघुपटाने याअगोदर विविध फेस्टिवलमध्ये नामांकने व पुरस्कार पटकावले आहेत.तसेच सर्व फेस्टिवलमध्ये या लघुपटाच्या स्क्रिनिंगला उत्तम प्रतिसाद मिळाला आहे.आरसा लघुपट ‘हंगामा प्ले’च्या https://www.hungama.com/movie/aarsa/57053344/ या लिंकवर पाहू शकता.

आमच्या इतर बातम्या वाचण्यासाठी क्लिक करा: ahmednagarlive24.com | ब्रेकिंग बातम्या मिळवण्यासाठी फॉलो करा : फेसबुक | ट्विटर | इंस्टाग्राम | टेलिग्राम । © Copyright 2020, All Rights Reserved

Tags

Ahmednagarlive24

No1 News Network Of Ahmednagar जगभरातील लाखो वाचक असलेले अहमदनगर जिल्ह्यातील सर्वाधिक लोकप्रिय व विश्वासार्ह न्यूज पोर्टल.

Related Articles

Leave a Reply

Your email address will not be published. Required fields are marked *

Back to top button
Close
Close