चार दिवसांनी सापडला त्या बुडालेल्या वृद्धाचा मृतदेह

अहमदनगर Live24 टीम,8 सप्टेंबर 2020 :- श्रीरामपूर तालुक्यातील मालुंजे खुर्द येथील चंद्रभान नारायण गुंजाळ (वय ६५) यांचा नदीपात्रात पाय घसरून बुधवारी संध्याकाळी मृत्यू झाला. चार दिवसांनंतर त्यांचा मृतदेह रविवारी सायंकाळी सापडला.

गुंजाळ हे शेजारील गावातील एका शेतकऱ्याचे सायफन खाेदण्यासाठी गेले होते. संध्याकाळी काम उरकून घरी परतताना ते पाय घसरून नदीत पडले.

चार दिवसांनंतर रविवारी मृतदेह मालुंजा शिवारात आढळला. मृतदेह नदीबाहेर काढत शवविच्छेदनासाठी राहुरीला पाठवण्यात आला.