पेन्शनरसाठी खास बातमी;लाइफ सर्टिफिकेट घरबसल्या ‘असे’ करा जमा

मोफत मराठी बातम्यांसाठी आमचा ग्रुप जॉईन करा
WhatsApp Group Join Now
Telegram Group Join Now

अहमदनगर Live24 टीम,10 सप्टेंबर 2020 :-  निवृत्तीवेतनधारकांना (पेन्शनर) वेळेवर पेन्शन मिळण्यासाठी सर्वात महत्वाची आवश्यक गोष्ट असते ती म्हणजे लाइफ सर्टिफिकेट अर्थात जीवन प्रमाणपत्र. लाइफ सर्टिफिकेट म्हणजे पेन्शनधारकाच्या जिवंत असण्याचा पुरावा असतो. 

हे वेळेवर सादर न केल्यास पेन्शनधारकांना बर्‍याच अडचणींचा सामना करावा लागू शकतो. एवढेच नाही तर पेन्शन देखील थांबू शकते. अशा परिस्थितीत संबंधित लाइफ सर्टिफिकेट सादर करावे लागते. यासाठी यापूर्वी हे जमा करण्यासाठी कार्यालयात चकरा माराव्या लागायच्या.  पण आता ती करण्याची गरज भासणार नाही.

आपण स्मार्टफोन वापरत असल्यास आपण घरी बसून हे काम सहजपणे करू शकता. होय, आता आपणास आपले जीवन प्रमाणपत्र तयार आणि सबमिट करण्यासाठी बँक, सीएससी किंवा ईपीएफओ कार्यालयात जाण्याची आवश्यकता नाही. उमंग अॅपच्या मदतीने आपण घरी बसून आपल्या स्मार्टफोनवरून आपले डिजिटल जीवन प्रमाणपत्र सादर करू शकता. तर उमंग अॅपद्वारे लाइफ सर्टिफिकेट कसे तयार केले जाते ते जाणून घेऊया.

ऑनलाइन जीवन प्रमाणपत्र ‘असे’ बनवा:- उमंग अॅपवरून ऑनलाइन डिजिटल लाइफ प्रमाणपत्र तयार करण्यासाठी आपल्याकडे 12-अंकी आधार नंबर आणि आधारमध्ये नोंदणीकृत मोबाइल नंबर असणे आवश्यक आहे. यासह, आपला आधार क्रमांक पेंशन जारी करणार्‍या संस्थेमध्ये (बँक, पोस्ट ऑफिस किंवा कोणतीही एजन्सी) नोंदविला जावा.

आपल्याकडे बायोमेट्रिक डिव्‍हाइस जे आपले फिंगरप्रिंट्स कॅप्चर करू शकतात आणि  विंडोज 7.0 सह संगणक किंवा लॅपटॉप किंवा Android 4.0 चा मोबाइल किंवा टॅब्लेट असणे गरजेचे आहे. आपल्या संगणकावर किंवा मोबाइलवर इंटरनेट कनेक्शन देखील असावे.

उमंग app वरून जीवन प्रमाणपत्र कसे तयार करावे? :-

  •  –  गूगल प्लेस्टोअर वरून उमंग अॅप डाउनलोड करा. अ‍ॅप उघडताना जीवन प्रमाण सर्व‍िस सर्च करा.
  •  – त्यानंतर बायोमेट्रिक डिव्हाइस आपल्या मोबाइलशी कनेक्ट करा.
  •  – जीवन प्रमान सेवे अंतर्गत “General Life Certificate”  च्या टॅबवर क्लिक करा. येथे, आपला आधार नंबर आणि मोबाइल नंबर निवृत्तीवेतन प्रमाणीकरण टॅबमध्ये दिसून येतील. जर दोन्ही गोष्टी ठीक असतील तर  जनरेट ओटीपी बटणावर क्लिक करा.
  • – आपल्या मोबाईलवर नियुक्त ठिकाणी ओटीपी नंबर भरा आणि सबमिट करा
  • – आपल्या बायोमेट्रिक डिव्हाइसच्या मदतीने आपले फिंगरप्रिंट स्कॅन करा, फिंगरप्रिंटसह डिजिटल लाइफ प्रमाणपत्र तयार होईल. प्रमाणपत्र पहाण्यासाठी प्रमाणपत्र पहा वर क्लिक करा. आधार नंबरच्या मदतीने हे पाहिले जाऊ शकते.

 उमंग app सह ‘अशा’ प्रकारे तपासा ईपीएफओ शिल्लक :-

  • – यासाठी अ‍ॅपमधील ईपीएफओ पर्यायावर क्लिक करावे लागेल.
  •  – येथे तुम्हाला इम्प्लॉई सेंट्रिक सर्विस पर्याय दिसेल. त्यावर क्लिक केल्यानंतर तुम्हाला व्ह्यू पासबुक आणि रेज द क्लेमचा पर्याय मिळेल.
  • – शिल्लक पाहण्यासाठी व्ह्यू पासबुक ऑप्शनवर क्लिक करा. येथे तुम्हाला यूएएन नंबर टाकावा लागेल आणि गेट ओटीपी वर क्लिक करावे लागेल. हा ओटीपी आपल्या फोन नंबरवर येईल, लॉगिन नंतर आपल्याला आपल्या खात्याबद्दल माहिती मिळेल आणि खात्यातील शिल्लक आपण पाहू शकता.

आमच्या इतर बातम्या वाचण्यासाठी क्लिक करा: wordpress-1209733-4285786.cloudwaysapps.com | ब्रेकिंग बातम्या मिळवण्यासाठी फॉलो करा : फेसबुक | ट्विटर | इंस्टाग्राम | टेलिग्राम । © Copyright 2020, All Rights Reserved

Leave a Comment