Ahmednagar NewsBreakingMaharashtra

मोठी बातमी: लशी सारखेच काम करेल तुमचा मास्क; वाचा सविस्तर …

अहमदनगर Live24 टीम,27 सप्टेंबर 2020 :- जगभरात कोरोनाने धुमाकूळ घातला आहे. अनेक बळी या आजाराने घेतले असून आर्थिक घडी विस्कटून लावली आहे. आज अनेक देश यावर लस शोधण्यासाठी कार्य करत आहेत. 

परंतु सध्या लस नसल्याने, संपर्ग टाळणे, मास्क, सॅनिटायझर वापरणे, सोशल डिस्टन्सिंगचं पालन करणे आदी गोष्टी सर्वानी पाळण्याचे आवाहन करण्यात येत आहे. यात मास्क वापराने तर खरोखर गरजेचे आहे. परंतु आता    मास्क  केवळ तुमचे रक्षणच नाही करणार तर ते घालून रोगप्रतिकारक शक्ती वाढू शकतो असा दावा तज्ज्ञांनी केला आहे.

म्हणजेच मास्क लशीसारखं काम करतो, असं संशोधन एका मेडिकल जर्नलमध्ये प्रसिद्ध झालं आहे. न्यू इंग्लड जर्नल ऑफ मेडिसीनमध्ये हे गृहितक मांडण्यात आलं आहे. त्यानुसार प्रतिकारशक्तीबाबत सिद्धता नसली तरी सार्वजनिक ठिकाणी जाताना मास्क घातल्यामुळे  विषाणूचा प्रभाव कमी होतो.

मास्कमुळे कोरोनाबाधिक व्यक्तीच्या संसर्गजन्य ड्रॉपलेट्सपासून संरक्षण मिळतं. शिंकताना, खोकताना हे ड्रॉपलेट्स बाहेर उडतात, तेव्हा हजारो विषाणू त्या ड्रॉपलेट्समध्ये असतात. त्यातलाच एखादा तुमच्या शरीरार गेला तर Covid-19 चा संसर्ग होतो. त्यामुळे मास्कने विषाणूचा प्रभाव कमी होते हे गृहितक सत्य निघाल्यास मास्क हे एका लशीसारखं काम करतील.

मास्क हा फक्त विषाणूपासून बचावच करत नाही तर रोगप्रतिकारक शक्तीदेखील वाढवण्यात मदत करतो, असा दावा शास्त्रज्ञांनी केला आहे. न्यू इंग्लंड जर्नल ऑफ मेडिकलमध्ये हे संशोधन प्रकाशित करण्यात आलं आहे. युनिव्हर्सिटी ऑफ कॅलिफोर्नियातील जॉर्ज डब्ब्लू रदरफोर्ड आणि मोनिका गांधी यांनी सांगितलं,

शरीराची रोगप्रतिकारक शक्ती वाढवण्यासाठी फेस मास्क वॅरियोलेशनप्रमाणे काम करू शकतं. सोबतच संक्रमणाचा वेगही कमी करू शकतो. कोरोना विषाणूचा प्रसार हा शक्यतो बाधिताच्या संपर्कात आल्याने त्याच्या तोंडातल्या किंवा नाकातल्या ड्रॉपलेटच्या संपर्कात आल्याने तसंच पृष्ठभागावर विषाणू असताना त्याला हाताचा संपर्क झाल्यास

आणि तो हात आपल्या नाकातोंडाला लागल्यास या विषाणूचा संसर्ग होऊ शकतो. त्यामुळे आपलं नाक आणि तोंड झाकणं हा यावर मोठा उपाय असून, त्यासाठी मास्क हे अत्यंत उपायुक्त असल्याचं लक्षात आलं आहे. हेच मास्क खर्‍या लशीप्रमाणे काम करणार आहेत, असे संशोधकांचं म्हणणं आहे.

अहमदनगर Live24 च्या इतर बातम्या वाचण्यासाठी क्लिक करा: ahmednagarlive24.com | ब्रेकिंग बातम्या मिळवण्यासाठी फॉलो करा : फेसबुक | ट्विटर | इंस्टाग्राम | टेलिग्राम । © Copyright 2020, All Rights Reserved

Ahmednagarlive24

No1 News Network Of Ahmednagar जगभरातील लाखो वाचक असलेले अहमदनगर जिल्ह्यातील सर्वाधिक लोकप्रिय व विश्वासार्ह न्यूज पोर्टल.

Related Articles

Leave a Reply

Your email address will not be published. Required fields are marked *

Back to top button