Ahmednagar CityAhmednagar NewsBreakingPolitics

सभापती कोतकर आता काय उत्तर देणार ?

अहमदनगर Live24 टीम,30 सप्टेंबर 2020 :- स्थायी समितीवर भाजपच्या कोट्यातून सदस्य झालेल्या कोतकरांनी ऐनवेळी राष्ट्रवादीचा पंचा गळ्यात घालून त्यांच्या कोट्यातून तसेच महाविकास आघाडीचा सभापती असल्याचे सांगून शिवसेनेचे उमेदवार योगीराज गाडे यांना माघार घेण्यास भाग पाडले आहे.

मात्र, महापौर बाबासाहेब वाकळे यांनी कोतकर भाजपचेच असल्याचा दावा केला आहे तर तिकडे शिवसेनेने महाविकास आघाडीची फसवणूक झाल्याचा आरोप केला आहे.

या पार्श्वभूमीवर भाजपचे शहर जिल्हाध्यक्ष भय्या गंधे यांनी कोतकरांना नोटीस पाठवून खुलासा मागितला आहे. आपण भाजपचा राजीनामा दिला काय,

आपण राष्ट्रवादी काँग्रेसचे उमेदवार होता काय, याचा खुलासा करण्याचे या नोटिशीत नमूद करण्यात आले आहे. तसेच भाजपकडून आपण नगरसेवक म्हणून निवडून आला असल्याने पक्ष हिताविरुद्ध कोणताही

निर्णय घेण्याचा कायदेशीर अधिकार आपल्याला नाही, त्यामुळे तीन दिवसात आपण भाजपचा राजीनामा दिला काय व राष्ट्रवादीचे उमेदवार होता काय, याचा खुलासा करण्याचे सांगितले आहे.

सोमवारी ही नोटीस त्यांना दिली गेली असल्याने आता बुधवार-गुरुवारपर्यंत त्यांचा खुलासा अपेक्षित मानला जात आहे. दरम्यान,

पत्रकारांच्या याच प्रश्नांना विकासात्मक कामावर भाष्य करून बगल देणारे नवे सभापती कोतकर आता भाजपच्या नोटिशीला काय उत्तर देतात, याची उत्सुकता नगरच्या राजकीय वर्तुळातून व्यक्त होत आहे.

अहमदनगर Live24 च्या इतर बातम्या वाचण्यासाठी क्लिक करा: ahmednagarlive24.com | ब्रेकिंग बातम्या मिळवण्यासाठी फॉलो करा : फेसबुक | ट्विटर | इंस्टाग्राम | टेलिग्राम । © Copyright 2020, All Rights Reserved

Ahmednagarlive24

No1 News Network Of Ahmednagar जगभरातील लाखो वाचक असलेले अहमदनगर जिल्ह्यातील सर्वाधिक लोकप्रिय व विश्वासार्ह न्यूज पोर्टल.

Related Articles

Leave a Reply

Your email address will not be published. Required fields are marked *

Back to top button