Ahmednagar NewsBreakingMaharashtra

त्या पोलिस कर्मचार्‍यांवर कारवाई करण्याची मागणी मसाज पार्लरमध्ये महिलेसोबतचे अश्‍लील प्रकरण

अहमदनगर Live24 टीम,14 ऑक्टोबर 2020 :-कोतवाली पोलिस ठाण्यातील दोन पोलीस कर्मचार्‍यांचा मसाज पार्लरमध्ये महिलेसोबतचा अश्‍लील आक्षेपार्ह व्हिडिओ व्हायरल झाला आहे.

या कर्मचार्‍यांवर कारवाई व्हावी अशी मागणी यशस्विनी महिला ब्रिगेडच्या अध्यक्षा रेखा जरे पाटील यांनी जिल्हा पोलिस अधीक्षकांकडे निवेदनाद्वारे केली आहे.

कोतवाली पोलिस ठाण्यातील दोन कर्मचारी मसाज पार्लरमध्ये महिलेसोबत अश्‍लील वर्तन करताना दिसत असल्याचा व्हिडिओ हाती लागला आहे.

पोलीस खात्याला कलंकित करणारे हे कृत्य आहे. हे दोन्ही कर्मचारी पोलिस निरीक्षकांच्या मर्जीतील असून हप्ते गोळा करणारे म्हणून त्यांच्याकडे पाहिले जाते.

या दोघांना वरिष्ठ अधिकार्‍यांचे पाठबळ मिळत असल्याचे त्यांची हिंमत वाढली आहे. याच शहरात पोलिसांची बदनामी होऊन महिलावर्गात देखील भिती वाढेल.

या प्रकरणाची पारदर्शी निष्पक्षपातीपणे अतिरिक्त पोलीस अधिक्षकां मार्फत चौकशी करावी. मसाज पार्लरवाल्यास खोट्या गुन्ह्यात अडकवून टाकण्याची धमकी या दोघा पोलीसांनी दिल्याने त्यांच्या विरोधात तक्रार देण्यास कोणी पुढे येत नसल्याचे निवेदनात म्हंटले आहे.

तातडीने सदर प्रकरणी चौकशी करुन चुकीचे काम करणार्‍या पोलिसांना निलंबित करावे, अन्यथा पोलीस अधीक्षक कार्यालयासमोर बेमुदत उपोषण करण्याचा इशारा रेखा जरे पाटील यांनी दिला आहे.

अहमदनगर Live24 च्या इतर बातम्या वाचण्यासाठी क्लिक करा: ahmednagarlive24.com | ब्रेकिंग बातम्या मिळवण्यासाठी फॉलो करा : फेसबुक | ट्विटर | इंस्टाग्राम | टेलिग्राम । © Copyright 2020, All Rights Reserved

Ahmednagarlive24

No1 News Network Of Ahmednagar जगभरातील लाखो वाचक असलेले अहमदनगर जिल्ह्यातील सर्वाधिक लोकप्रिय व विश्वासार्ह न्यूज पोर्टल.

Related Articles

Leave a Reply

Your email address will not be published. Required fields are marked *

Back to top button