‘नो कॉस्ट ईएमआय’ म्हणजे काय? खरोखरच आपल्याला व्याज आकारले जात नाही कि आपली फसवणूक होते? जाणून घ्या…

मोफत मराठी बातम्यांसाठी आमचा ग्रुप जॉईन करा
WhatsApp Group Join Now
Telegram Group Join Now

अहमदनगर Live24 टीम,17 ऑक्टोबर 2020 :- Amazon व फ्लिपकार्टवर आजपासून सेलला सुरुवात होत आहे. या फेस्टिव सेलमध्ये आपल्याला विविध उत्पादनांवर विविध प्रकारच्या ऑफर मिळतील. याशिवाय विविध बँकांच्या क्रेडिट आणि डेबिट कार्डवरही विविध प्रकारच्या ऑफर उपलब्ध असतील.

बर्‍याच बँका आपल्या ग्राहकांना नो कॉस्ट ईएमआय ऑफर करतात. हा जो ‘नो कॉस्ट ईएमआय’चा पर्याय आहे तो फायदेशीर आहे कि नाही हे समजून घेणे आवश्यक आहे. आणि जर ते फायदेशीर असेल तर ग्राहकांना कोणता फायदा होतो? हेही पाहणे गरजेचे आहे. चला जाणून घेऊयात याविषयी सविस्तर –

नो कॉस्ट ईएमआई एक हथकंडा :- जेव्हा आपण ईएमआय वर प्रॉडक्ट घेता तेव्हा आपल्याला व्याज आणि प्रक्रिया शुल्क भरावे लागते.

नो कॉस्ट ईएमआई मध्ये आपल्याला केवळ प्रॉडक्टचेच पैसे द्यावे लागतील. ग्राहकांना व्याज आणि प्रक्रिया शुल्काच्या रुपात काहीही जमा करण्याची गरज नाही.

उदाहरणार्थ, 30 हजार रुपयांचे उत्पादन असल्यास 6 महिन्यांत ईएमआय 5000-5000 रुपये होणार. तथापि, हे समजणे आवश्यक आहे की या दुकानदाराने आधीपासूनच त्यात व्याज आणि इतर शुल्क समाविष्ट केलेले असते .

काय म्हणतो कायदा? :- 2013 मध्ये रिझर्व्ह बँक ऑफ इंडियाने एक परिपत्रक जारी केले. यात ते म्हणाले की शून्य टक्के व्याज ही संकल्पना अस्तित्वात नाही.

17 सप्टेंबर 2013 रोजी जारी केलेल्या या परिपत्रकात असे म्हटले आहे की, “क्रेडिट कार्ड थकबाकीवरील झीरो पर्सेंटेज ईएमआय योजनेवरील व्याज चुकीचे आहे. हे अनेकदा प्रक्रिया शुल्काच्या नावावर ग्राहकांवर व्याजाचा बोजा टाकते. ”

अशा प्रकारे ऑनलाइन शॉपिंगवर इंट्रेस्ट वसूली केली जाते :- ऑनलाईन प्लॅटफॉर्मवर नो कॉस्ट ईएमआय उपलब्ध असलेल्या सुविधेबाबत आर्थिक तज्ञ म्हणतात की ही एक युक्ती आहे.असे दोन मार्ग आहेत ज्यात ग्राहकाकडून व्याजाचे पैसे घेतले जातात. समजा या उत्पादनाची किंमत 30 हजार रुपये आहे.

आपण रोख पैसे देऊन ताबडतोब ते विकत घेतल्यास आपल्याला सूट मिळेल. नो कॉस्ट ईएमआयमध्ये तुम्हाला या सवलतीचा लाभ मिळणार नाही आणि उत्पादनाची किंमत फक्त 30 हजारच राहील. 6 महिन्यांचा ईएमआय 5000-5000 रुपये असेल.

म्हणजे व्याज यातच जोडलेलं असते. दुसरा मार्ग असा आहे की जर आपण नो कॉस्ट ईएमआय निवडला तर दुकानदार त्याची किंमत 30 हजारांपेक्षा वाढवेल. नो कॉस्टसाठी काही प्रॉडक्टची किंमत थोडी जास्त असते कि जे मुळात व्याज आहे.

क्रेडिट कार्डवर कॅल्क्युलेशन ‘असे’ करावे :- जर आपण क्रेडिट कार्डद्वारे नो कॉस्ट ईएमआय सुविधा वापरत असाल तर वस्तूंच्या मूल्याच्या बरोबरीचे क्रेडिट मूल्य आपल्या मर्यादेपेक्षा कमी होते. उदाहरणार्थ, आपण 45 हजार रुपयांमध्ये एक टीव्ही नो कोस्ट ईएमआय वर खरेदी केला.

खरेदी केल्यावर त्या महिन्याचे बिल तयार होईल आणि जर तुमची क्रेडिट मर्यादा आधी 1 लाख होती तर ती कमी करून 55 हजार रुपये होईल. आपण ते 9 महिन्यांच्या ईएमआयवर घेतले असेल तर प्रत्येक ईएमआय भरल्यानंतर तुमची पत मर्यादा 5 – 5 हजार रुपयांनी वाढेल.

अहमदनगर Live24 च्या इतर बातम्या वाचण्यासाठी क्लिक करा: wordpress-1209733-4285786.cloudwaysapps.com | ब्रेकिंग बातम्या मिळवण्यासाठी फॉलो करा : फेसबुक | ट्विटर | इंस्टाग्राम | टेलिग्राम । © Copyright 2020, All Rights Reserved

Leave a Comment