Money

सेन्सेक्स मध्ये ‘इतक्या’ अंकांची तेजी ; ‘हे’ शेअर्स तेजीत

अहमदनगर Live24 टीम,19 ऑक्टोबर 2020 :- जागतिक बाजारपेठेतील सकारात्मक संकेत आणि स्थानिक बाजारात बँकिंग व वित्तीय कंपन्यांनी खरेदी यामुळे मुंबई शेअर बाजाराचा (सेन्सेक्स) सेन्सेक्स 449 अंकांनी वधारला तर राष्ट्रीय शेअर बाजाराचा निफ्टी 11,850 च्या वर आला.

बीएसईचा 30 कंपनी शेअर्सवर असलेला सेन्सेक्स 448.6२ अंक म्हणजेच 1.12 टक्क्यांनी वाढून 40,431.60 अंकांवर, तर एनएसईचा निफ्टी निर्देशांक 110.60 अंक म्हणजेच 0.94 टक्के वाढीसह 11,873.05 अंकांवर बंद झाला.

सेन्सेक्स शेअर्समध्येमध्ये आयसीआयसीआय बँक शेअर्स पाच टक्क्यांहून अधिक चढला. त्यानंतर अ‍ॅक्सिस बँक, नेस्ले इंडिया, स्टेट बँक, एचडीएफसी, ओएनजीसी आणि कोटक बँकेच्या समभागांच्या किंमतीत वाढ झाली.

याउलट बजाज ऑटो, टीसीएस, भारती एअरटेल, महिंद्रा अँड महिंद्रा आणि मारुती यांचे शेअर्स घसरले. व्यापाऱ्यांच्या म्हणण्यानुसार जागतिक बाजारपेठेतून सकारात्मक संकेत मिळाल्यानंतर स्थानिक बाजारपेठेतील कामकाजाची सुरूवात तेजीत झाली.

या शेअर्समध्ये खरेदी करण्याचा जोर :- बँकिंग, वित्तीय, तेल आणि गॅस, धातू आणि रिअल्टी कंपनीचे शेअर्स प्रमुख खरेदीदार होते. हाँगकाँग, टोकियो आणि सोलची शेअर बाजार सकारात्मक स्थितीत बंद झाली. दुसरीकडे चीनच्या जीडीपीचे आकडे जाहीर झाल्यानंतर शांघायचा शेअर बाजार कोसळला.

आंतरराष्ट्रीय बाजारात क्रूड ऑईल बेंचमार्क ब्रेंट क्रूड ऑइल 0.16 टक्क्यांनी घसरून 42.67 डॉलर प्रति बॅरलवर बंद झाला. त्याचवेळी परकीय चलन बाजारात डॉलरच्या तुलनेत रुपया दोन पैशांनी घसरून 73.37 वर बंद झाला.

अहमदनगर Live24 च्या इतर बातम्या वाचण्यासाठी क्लिक करा: ahmednagarlive24.com | ब्रेकिंग बातम्या मिळवण्यासाठी फॉलो करा : फेसबुक | ट्विटर | इंस्टाग्राम | टेलिग्राम । © Copyright 2020, All Rights Reserved

Ahmednagarlive24

No1 News Network Of Ahmednagar जगभरातील लाखो वाचक असलेले अहमदनगर जिल्ह्यातील सर्वाधिक लोकप्रिय व विश्वासार्ह न्यूज पोर्टल.

Related Articles

Leave a Reply

Your email address will not be published. Required fields are marked *

Back to top button