Ahmednagar NewsBreakingIndiaMaharashtra

फ्रान्स राष्ट्रपतींच्या प्रतिकात्मक पुतळ्याला फाशी; आंदोलकांना पोलिसांकडून अटक

अहमदनगर Live24 टीम, 9 नोव्हेंबर 2020 :- अहमदनगर जिल्हा मुस्लिम समाजाच्या वतीने शहरातील हातमपुरा चौकात फ्रान्सचे राष्ट्रपती इमॅन्यूएल मॅक्रॉन यांच्या पुतळ्यास फासावर टांगण्यात आले.

तर मॅक्रॉनचे फोटो असलेले फलक रस्त्यावर लावून पायदळी तुडवून त्याच्यावर चिखलाचा मारा करण्यात आला. मोहंमद पैगंबरांचं व्यंग्यचित्र काढणार्‍या मासिकाचे समर्थन केल्याबद्दल मुस्लिम समाजाच्या वतीने हे आंदोलन करण्यात आले.

दरम्यान परवानगी न घेता आंदोलन केल्याने पोलिसांनी मुस्लीम कमेटीच्या पदाधिकारी आणी कार्यकर्त्यांना ताब्यात घेतले आहे.

या आंदोलनात मुजाहीद सय्यद, साहेबान जहागीरदार, तन्वीर शेख, नईम सरदार, अन्जर खान, नूर सय्यद, फिरोज शेख, शाह फैसल, सरफराज जहागीरदार, जुबेर शेख, बिलाल शेख, वसिम शेख,

खालिद शेख, अल्तमश जरीवाला, शाकिर शेख, मुबीन शेख, शरीफ बेग, इम्रान पठाण, फैरोज शेख, वाहिद शेख, अज्जू शेख आदींसह युवक मोठ्या संख्येने सहभागी झाले होते.

मोहंमद पैगंबरांचं अपमान करणार्‍याला फाशी हीच शिक्षा योग्य असल्याचे सांगून आंदोलकांनी चौकात मॅक्रॉनचा प्रतिकात्मक पुतळ्यास चपलांचा हार घालून खांबाला लटकविले होते.

तर फ्रान्सच्या राष्ट्राध्यक्षांनी तात्काळ माफी मागवी अशी मागणी यावेळी करण्यात आली. आंदोलकांनी मोहंमद पैगंबरांचं अपमान करणार्‍यांविरोधात जोरदार घोषणाबाजी केली.

घटनास्थळी पोलीसांनी धाव घेऊन आंदोलकांना ताब्यात घेतले. कोतवाली पोलीस ठाण्यात आंदोलकांविरोधात गुन्हा दाखल करण्यात आला आहे.

अहमदनगर Live24 च्या इतर बातम्या वाचण्यासाठी क्लिक करा: ahmednagarlive24.com | ब्रेकिंग बातम्या मिळवण्यासाठी फॉलो करा : फेसबुक | ट्विटर | इंस्टाग्राम | टेलिग्राम । © Copyright 2020, All Rights Reserved

Ahmednagarlive24

No1 News Network Of Ahmednagar जगभरातील लाखो वाचक असलेले अहमदनगर जिल्ह्यातील सर्वाधिक लोकप्रिय व विश्वासार्ह न्यूज पोर्टल.

Related Articles

Leave a Reply

Your email address will not be published. Required fields are marked *

Back to top button