Money

महाराष्ट्रात स्वस्त घर खरेदी करण्याची मोठी संधी ; वाचा आणि घ्या फायदा

अहमदनगर Live24 टीम, 27 नोव्हेंबर 2020 :-आजच्या काळात प्रत्येकाला स्वतःचे घर घ्यायचे आहे, परंतु महागाईच्या या युगात आपले घर घेणे सोपे नाही. अशा परिस्थितीत, आपण आपले घर स्वस्तामध्ये घेण्याचे स्वप्न कसे पूर्ण करू शकता याविषयी आम्ही आपल्याला सांगणार आहोत.

स्वस्तात घर खरेदी करण्याची संधी:-  स्वस्त फ्लॅट किंवा घर खरेदी करणाऱ्यांसाठी चांगली बातमी आहे. या वर्षाच्या अखेरीस 31 डिसेंबरपर्यंत आपणही आपले घर, फ्लॅट, प्लॉट किंवा इतर कोणतीही मालमत्ता खरेदी करण्याचा विचार करत असाल तर आपल्यासाठी एक आनंदाची बातमी आहे. आता आपल्याला फ्लॅट खरेदीसाठी देण्यात आलेल्या भर भक्कम मुद्रांक शुल्कापासून आराम मिळू शकेल. महाराष्ट्रात घर खरेदीदारांसाठी एक दिलासा दायक बातमी आहे.

31 डिसेंबरपर्यंत शून्य मुद्रांक शुल्काच्या ऑफरचा लाभ घ्या :- महाराष्ट्रातील रिअल इस्टेट क्षेत्रातील भरभराट लक्षात घेता राष्ट्रीय रिअल इस्टेट डेव्हलपमेंट कौन्सिलने निर्णय घेतला आहे की त्यांचे मेंबर डेवलपर्स 31 डिसेंबरपर्यंत शून्य मुद्रांक शुल्क देतील. हे लक्षात घ्यावे की महाराष्ट्र सरकारने 26 ऑगस्ट रोजी मुद्रांक शुल्क 3 आणि दोन टक्क्यांनी कमी करण्याचा निर्णय घेतला होता ज्यामुळे लॉकडाऊनला सामोरे जाणाऱ्या डेवलपरचे व्यवसाय पुन्हा रुळावर आले. एनएआरईडीसीओचे 1000 मेम्बर गृह खरेदीदारावर 31 डिसेंबरपर्यंत राज्याची 3 टक्के मुद्रांक शुल्क लादणार नाहीत. ही ऑफर यासाठी आहे जेणेकरून दिवाळीच्या वेळी घर खरेदी विक्रीची वाढलेली गती उत्सव संपल्यानंतरही खंडित होऊ नये.

घरे खरेदीत 300 टक्के वाढ :- शून्य मुद्रांक शुल्कामुळे ऑगस्ट ते ऑक्टोबर दरम्यान घरांच्या विक्रीत 300 टक्क्यांनी वाढ झाली आहे. घर खरेदीदाराला शून्य मुद्रांक शुल्काचा लाभ मिळत आहे, डेवलपर्सनाही त्याचा फायदा होत आहे. घरांच्या विक्रीत वाढ झाल्याने परदेशी गुंतवणूकदारांनाही चांगले संकेत मिळतील. रिअल इस्टेट तज्ज्ञांचे म्हणणे आहे की सरकारने या क्षेत्रात मदत केल्यास चित्र बदलेल.

पुढील वर्षापासून मुद्रांक शुल्क बदलले जाईल :- जर आपण महाराष्ट्रात कोठेही घर, फ्लॅट, प्लॉट किंवा इतर कोणतीही मालमत्ता खरेदी करण्याचा विचार करत असाल तर आपल्यासाठी ही एक उत्तम संधी आहे. कारण परवडणारी मालमत्ता यापेक्षा तुम्हाला कधीच मिळणार नाही. नारेडको मध्ये सहभागी डेवलपर्स मुंबई, पुणे, नाशिकसह महाराष्ट्रातील बऱ्याच मोठ्या शहरांमध्ये प्रकल्प चालवित आहेत. आम्ही म्हटल्याप्रमाणे हा लाभ फक्त महाराष्ट्रातील लोकांनाच मिळणार आहे. ऑगस्टच्या उत्तरार्धात महाराष्ट्र सरकारने मुद्रांक शुल्क कमी करण्याची घोषणा केली. महाराष्ट्र सरकारने मुद्रांक शुल्कात 3 टक्के कपात केली होती. ही कपात 31 डिसेंबरपर्यंत लागू राहील. पुढील वर्षी 1 जानेवारी ते 31 मार्च दरम्यान ही सूट 2 टक्के असेल.

अहमदनगर Live24 च्या इतर बातम्या वाचण्यासाठी क्लिक करा: ahmednagarlive24.com | ब्रेकिंग बातम्या मिळवण्यासाठी फॉलो करा : फेसबुक | ट्विटर | इंस्टाग्राम | टेलिग्राम । © Copyright 2020, All Rights Reserved

Ahmednagarlive24

No1 News Network Of Ahmednagar जगभरातील लाखो वाचक असलेले अहमदनगर जिल्ह्यातील सर्वाधिक लोकप्रिय व विश्वासार्ह न्यूज पोर्टल.

Related Articles

Leave a Reply

Your email address will not be published. Required fields are marked *

Back to top button