जिल्ह्यात गेल्या काही दिवसांपासून चोऱ्यांचे सत्र वाढले आहे. कोरोना महामारीच्या संकटातून काहीशे बाहेर आले असताना या चोऱ्यांच्या वाढत्या घटनांमुळे नागरिकांमध्ये दहशतीचे वातावरण निर्माण झाले आहे.
सोने – चांदी, दागिने, रोकड आदी चोरीच्या घटनांनंतर आता जनावरांची चोरी होत असल्याची एक घटना उघडकीस आली आहे. कोपरगाव तालुक्यात म्हशी चोरीप्रकरणी पोलिसांनी दोघांना अटक केली. एक जण मात्र फरार झाला.
शहरातील गोकूरबाबा गल्लीत राहणारे अजहर इस्माईल शेख यांनी आपल्या गोठ्यातील सव्वा लाख किमतीच्या दोन म्हशी मंगळवारी रात्री आकाश संजय रोकडे,
हरिश चंद्रकांत कुऱ्हाडे व सचिन गायकवाड (खेडकरगल्ली, कोपरगाव) यांनी चोरून नेल्याची फिर्याद दिली होती. सहायक पोलिस निरीक्षक दीपक बारसे, हेड कॉन्स्टेबल पुंड, कॉन्स्टेबल सूरज अग्रवाल,
पोलिस नाईक कोरेकर, शिंदे यांनी सापळा लावून व पाठलाग करून आरोपींना ताब्यात घेतले. त्यांनी गुन्हा कबूल केला. याप्रकरणात पोलिसांनी दोघांना अटक केली असून एक जण मात्र फरार झाला आहे.
अहमदनगर Live24 च्या इतर बातम्या वाचण्यासाठी क्लिक करा: wordpress-1209733-4285786.cloudwaysapps.com | ब्रेकिंग बातम्या मिळवण्यासाठी फॉलो करा : फेसबुक | ट्विटर | इंस्टाग्राम | टेलिग्राम । © Copyright 2020, All Rights Reserved