Best Sellers in Electronics
IndiaMoney

नवीन नियमानुसार ओटीपीद्वारे एटीएममधून पैसे कसे काढावेत ? बँकेने दिली ‘ही’ गाइडलाईन

अहमदनगर Live24 टीम, 01 डिसेंबर 2020 :- पंजाब नॅशनल बँक (पीएनबी) 1 डिसेंबरपासून वन टाईम पासवर्ड (ओटीपी) आधारित  कॅश विदड्रॉअल सुविधा लागू करणार आहे. बँकेने म्हटले आहे की पीएनबी 2.0 (PNB, eOBC, eUNI) एटीएममधून 1 डिसेंबर 2020 पासून  रात्री 8 ते सकाळी 8 च्या दरम्यान एकावेळी 10,000 रुपयांपेक्षा जास्त रक्कम काढणे आता ओटीपी आधारित असेल.

म्हणजेच पीएनबी ग्राहकांना या रात्रीच्या वेळी 10,000 रुपयांपेक्षा जास्त रक्कम काढण्यासाठी ओटीपीची आवश्यकता असेल. या घोषणेसह पीएनबीने हे देखील सांगितले आहे की ग्राहक रात्रीच्या वेळी बँक एटीएममध्ये ओटीपीचा वापर करून पैसे कसे काढू शकतात. ग्राहकाने फक्त काही स्टेप फॉलो केल्या पाहिजे.

  • पीएनबी एटीएम वर जा आणि कार्ड स्लॉटमध्ये आपले डेबिट / एटीएम कार्ड घाला.
  • कॅश काढण्यासाठी आवश्यक तपशील प्रविष्ट करा.
  • एटीएममध्ये  एकावेळी 10000 रुपयांहून अधिक रक्कम काढण्यासाठी ग्राहकास बँकेत नोंदणीकृत असणाऱ्या  मोबाइल क्रमांकावर ओटीपी मिळेल.
  • यासह, एटीएमच्या स्क्रीनवर ओटीपी टाकण्यासाठी एक विंडो येईल.  यात तुम्हाला मोबाईल नंबरवर आलेला  ओटीपी टाकावा लागेल.
  • ओटीपीमध्ये एंटर केल्यानंतर ग्राहकांना एटीएममधून रोकड मिळेल.

काय आहे PNB 2.0

युनायटेड बँक ऑफ इंडिया आणि ओरिएंटल बँक ऑफ कॉमर्स (ओबीसी) चे पीएनबीमध्ये विलीनीकरण झाले आहे, जे 1 एप्रिल 2020 पासून अंमलात आले. यानंतर एंटिटी अस्तित्वात आली आहे. त्याला पीएनबी 2.0 असे नाव देण्यात आले आहे.

बँकेच्या ट्वीट व संदेशामध्ये असे स्पष्ट करण्यात आले आहे की ओटीपी आधारित रोख रक्कम फक्त PNB 2.0 एटीएममध्ये लागू असेल. म्हणजेच इतर बँक एटीएममधून पीएनबी डेबिट / एटीएम कार्डमधून पैसे काढण्यासाठी ओटीपी आधारित रोख पैसे काढण्याची सुविधा लागू होणार नाही.

अहमदनगर Live24 च्या इतर बातम्या वाचण्यासाठी क्लिक करा: ahmednagarlive24.com | ब्रेकिंग बातम्या मिळवण्यासाठी फॉलो करा : फेसबुक | ट्विटर | इंस्टाग्राम | टेलिग्राम । © Copyright 2020, All Rights Reserved

Related Articles

Leave a Reply

Your email address will not be published. Required fields are marked *

Back to top button