Best Sellers in Electronics
Ahmednagar NewsAhmednagar North

कारच्या धडकेत सायकलस्वार गंभीर जखमी; या ठिकाणी घडली घटना

अहमदनगर Live24 टीम, 6 जानेवारी 2021 :-जिल्ह्यात अपघाताचे सत्र सुरूच आहे. अपघाताच्या वाढत्या सत्रामुळे दरदिवशी अनेक निरपराध नागरिकांचा बळी जात आहे.

तर काही जण गंभीर जखमी झाल्याच्या घटना घडल्या आहेत. नुकतेच संगमनेर तालुक्यातून जाणार्‍या पुणे-नाशिक राष्ट्रीय महामार्गावरील बोटा शिवारात येथे कारच्या धडकेत सायकलस्वार गंभीर जखमी झाला आहे.

याबाबत अधिक माहिती अशी कि, माळवाडी शिवारातील कुर्‍हाडे वस्ती येथील वैष्णव संदीप कुर्‍हाडे हा तरूण बुधवारी सकाळी दूध घालण्यासाठी सायकलवरून डेअरीवर येत होता.

त्याच दरम्यान वैष्णव हा महामार्ग ओलांडत असताना पुण्याकडून नाशिकच्या दिशेने भरधाव वेगाने जाणार्‍या कारने सायकलला जोराची धडक दिली.

या अपघातात वैष्णवच्या डोक्याला गंभीर दुखापत झाली आहे तर कारमधील दोघे किरकोळ जखमी आहेत. अपघातानंतर नागरिकांनी अपघातस्थळी धाव घेत जखमींना उपचारार्थ आळेफाटा येथील खासगी रुग्णालयात हलविले.

मात्र, वैष्णवला अधिक उपचारांसाठी पुणे येथे नेण्यात आले आहे. अपघाताची माहिती समजताच पोलीस उपनिरीक्षक भालचंद्र शिंदे यांच्या मार्गदर्शनाखाली महामार्ग पोलिसांनी घटनास्थळी धाव घेतली होती.

Ahmednagarlive24

No1 News Network Of Ahmednagar जगभरातील लाखो वाचक असलेले अहमदनगर जिल्ह्यातील सर्वाधिक लोकप्रिय व विश्वासार्ह न्यूज पोर्टल.

Related Articles

Leave a Reply

Your email address will not be published. Required fields are marked *

Back to top button