Best Sellers in Electronics
Money

रेल्वेच्या साथीने आपला व्यवसाय सुरू करणे झाले सोप्पे; सुरु झालेय ‘असे’ काही

अहमदनगर Live24 टीम, 7 जानेवारी 2021 :-भारतीय रेल्वेने व्यवसायिकांना अधिक चांगली सेवा देण्यासाठी फ्रेट बिझिनेस डेव्हलपमेंट पोर्टल सुरू केले आहे. यास भेट देऊन ग्राहक त्यांच्या वस्तूंचे ऑनलाईन ट्रॅकिंग करू शकतात.

तसेच फ्रेट कॅल्क्युलेटर सुविधा सारख्या विविध सेवा फक्त एका क्लिकवर उपलब्ध असतील. भाड्याने माल मिळवून देण्यासाठी सरकार सातत्याने पावले उचलत आहे.

डिसेंबर 2020 मध्ये रेल्वेने 11788.11 कोटी रुपये कमावले आहेत. तर डिसेंबर 2019 मध्ये मालवाहतुकीतून रेल्वेने 11030.37 कोटी रुपये कमावले. म्हणजेच डिसेंबर 2020 मध्ये रेल्वेने मागील वर्षाच्या तुलनेत 757.74 कोटी रुपये जास्त कमावले.

फ्रेट बिझिनेस डेव्हलपमेंट पोर्टल सुरू झाले :- रेल्वेने https://www.fois.indianrail.gov.in/RailSAHAY/index.jsp फ्रेट बिझिनेस डेव्हलपमेंट पोर्टल सुरू केले आहे. त्यामागे सुलभ आणि सुरक्षित मालवाहतूक करणे हे सरकारचे उद्दीष्ट आहे. सर्व सुविधा पोर्टलवर एकाच ठिकाणी उपलब्ध असतील. फ्रेट ट्रान्सपोर्टमध्ये आता आधुनिक तंत्रज्ञानाचा वापर केला जात आहे. अशा परिस्थितीत कंपन्यांचे उत्पन्न वाढविण्यात मदत होईल. तसेच देशातील इझ ऑफ डोईंग बिझिनेसलाही चालना मिळेल. तसेच यामुळे ही प्रक्रिया अधिक पारदर्शक होईल.

ही सुविधा उपलब्ध होईल :- नवीन पोर्टलवर नोंदणी करणे सोपे होईल. ग्राहकांसाठी अनेक प्रगत वैशिष्ट्ये जोडली गेली आहेत. कमोडिटी इन्फोर्मेशनसाठी एक स्वतंत्र पेज तयार केले गेले आहे. प्रोफेशनल्स आता व्यावसायिकांना मदत करतील.

कमाई वाढविण्यासाठी केलेली नवीन योजना:-  रेल्वेने पुढील 10 वर्षांत मालवाहतुकीचा हिस्सा 45 टक्क्यांपर्यंत वाढवण्याचे उद्दीष्ट ठेवले आहे. सध्या मालवाहतुकीत रेल्वेचा हिस्सा 28 टक्के आहे. रेल्वे बोर्डाचे अध्यक्ष व्ही.के. यादव यांनी पत्रकार परिषदेत सांगितले की हे लक्ष्य पूर्ण करण्यासाठी पायाभूत सुविधा व व्यवसाय विकासावर लक्ष केंद्रित केले जाईल.

रेल्वेच्या योजनेनुसार रोड इंफ्रास्ट्रक्चरमध्ये भारतमाला प्रकल्पासारखे महत्त्वपूर्ण सुधारणा झाल्यामुळे भाडे कमी केले जाईल जेणेकरून मालवाहतूक वाढेल. योजनेनुसार रेल्वेने मालवाहतुकीत 30 टक्के कपात करणे आवश्यक आहे आणि मालगाडीचा वेग ताशी 50 किमी पर्यंत वाढविणे आवश्यक आहे.

Ahmednagarlive24

No1 News Network Of Ahmednagar जगभरातील लाखो वाचक असलेले अहमदनगर जिल्ह्यातील सर्वाधिक लोकप्रिय व विश्वासार्ह न्यूज पोर्टल.

Related Articles

Leave a Reply

Your email address will not be published. Required fields are marked *

Back to top button