Ahmednagar NewsAhmednagar North

कारच्या धडकेत दोन शेळ्या ठार; सात गंभीर जखमी

अहमदनगर Live24 टीम, 8 जानेवारी 2021 :-संगमनेर तालुक्याच्या पठारभागातील खंदरमाळडी शिवारातील पुणे-नाशिक राष्ट्रीय महामार्गावर कार चालविणार्‍या चालकाने शेळ्यांना धडक दिल्याने दोन शेळ्या जागीच ठार झाल्या आहे.

तर सात शेळ्या गंभीर जखमी झाल्या आहेत. याबाबतचे सविस्तर वृत्त असे की, खंदरमाळवाडी शिवारातील गोकुळवाडी येथे सदाशिव बबन लेंडे हे शेतकरी तथा पशुपालक आपल्या शेळ्या चारण्यासाठी एकोणावीस मैल येथून पुणे-नाशिक राष्ट्रीय महामार्गाने जात होते.

त्याचवेळी पाठीमागून बेदरकारपणे भरधाव वेगात येत असलेल्या कारचालकाचे नियंत्रण सुटल्याने कार थेट शेळ्यांच्या कळपात घुसली आणि दोन शेळ्यांचा जीव घेतला.

तर सात शेळ्या गंभीर जखमी झाल्या. अपघातानंतर पशुपालक लेंडे यांनी कारचालकाला काठीच्या माध्यमातून थांबविण्याचा आटोकाट प्रयत्नही केला.

परंतु, कारचालकाने कार न थांबविता कार थेट लेंडे यांच्या अंगावर घालण्याचा प्रयत्न करुन पळून गेला आहे. सदर अपघाताची माहिती समजताच आजूबाजूच्या शेतकर्‍यांनी घटनास्थळी धाव घेतली.

व जखमी झालेल्या सर्व शेळ्यांना बाजूला घेऊन तात्काळ खासगी पशुवैद्यकांना पाचारण केले. या अपघाताची माहिती उपस्थित नागरिकांनी घारगाव पोलिसांना दिली आहे.

Ahmednagarlive24

No1 News Network Of Ahmednagar जगभरातील लाखो वाचक असलेले अहमदनगर जिल्ह्यातील सर्वाधिक लोकप्रिय व विश्वासार्ह न्यूज पोर्टल.

Related Articles

Leave a Reply

Your email address will not be published. Required fields are marked *

Back to top button