अहमदनगर Live24 टीम, 9 जानेवारी 2021 :- जिल्ह्यातून दोन वर्षांकरीता तडीपार करण्यात आलेला व्यक्ती पुन्हा शहरात आढळून आल्याने संबंधित तडिपारला तोफखाना पोलिसांनी ताब्यात घेतले आहे.
दरम्यान परशुराम ऊर्फ परेश चंद्रकांत खराडे (वय- 34 रा. नालेगाव, नगर) असे या तडीपार व्यक्तीचे नाव आहे. खराडे विरोधात तोफखाना पोलीस ठाण्यात गुन्हा दाखल करण्यात आला आहे.
याबाबत अधिक माहिती अशी कि, 27 एप्रिल 2019 रोजी आरोपी परेश खराडे याला जिल्ह्यातून दोन वर्षांकरीता तडीपार करण्याबाबत आदेश पारीत केला आहे.
सदर आदेशाचा भंग करून आरोपी खराडे कल्याण रोडवरील भावनाऋषी सोसायटी येथे असल्याची माहिती तोफखाना पोलिसांना मिळाली होती.
पोलिसांनी सदर ठिकाणी जाऊन आरोपी खराडे यांना अटक करून त्याच्याविरूद्ध गुन्हा दाखल केला आहे. जिल्हा पोलीस अधीक्षक मनोज पाटील, शहर पोलीस उपअधीक्षक विशाल ढुमे यांच्या मार्गदर्शनाखाली तोफखाना पोलीस ठाण्याच्या पथकाने सादर कारवाई केली आहे.
- अहमदनगर Live24 च्या इतर बातम्या वाचण्यासाठी क्लिक करा: wordpress-1209733-4285786.cloudwaysapps.com | ब्रेकिंग बातम्या मिळवण्यासाठी फॉलो करा : फेसबुक | ट्विटर | इंस्टाग्राम | टेलिग्राम । © Copyright 2020, all rights reserved