Best Sellers in Electronics
Ahmednagar NewsAhmednagar North

लग्नाला महिनाही झाला नाही तोच तरुणाचा अपघातात मृत्यू

अहमदनगर Live24 टीम, 12 जानेवारी 2021 :-नेवासा शहरात फोटोग्राफी व्यवसाय करत असलेल्या तरुणाचा बीड जिल्ह्यातील केज तालुक्यात रस्ते अपघातानंतर दुचाकीने पेट घेतल्याने मृत्यू झाल्याची घटना घडली आहे.

याबाबत माहिती अशी की, नेवासा येथे मागील दहा-पंधरा वर्षापासून परमेश्‍वर गणेश नरवटे (वय 27) हा तरुण फोटोग्राफीचा व्यवसाय करत होता.

बसस्टॅण्डजवळ त्याचा फोटोग्राफीचा स्टुडिओ आहे. तो मुळचा केज तालुक्यातील रहिवासी होता. केज-बीड रोडवर मोटारसायकलवरुन जात असताना परमेश्‍वर नरवटे याच्या मोटारसायकलची व एका कारची समोरासमोर धडक झाली.

धडक होताच दुचाकीने पेट घेतला. दुचाकी आगीत जळून खाक झाली तर दुचाकीवरील परमेश्वर नरवटे याचा मृत्यू झाला. त्यांचे पश्चात आई वडील, बहिण, पत्नी असा परिवार आहे.

परमेश्वर याचा 23 दिवसांपूर्वी विवाह झाला होता आणि आज त्याच्यावर काळाने घाला घातल्याने नेवाशासह केज तालुक्यातील इस्थळ गावावर शोककळा पसरली आहे.

Ahmednagarlive24

No1 News Network Of Ahmednagar जगभरातील लाखो वाचक असलेले अहमदनगर जिल्ह्यातील सर्वाधिक लोकप्रिय व विश्वासार्ह न्यूज पोर्टल.

Related Articles

Leave a Reply

Your email address will not be published. Required fields are marked *

Back to top button