IndiaLifestyleMoney

44 कोटी ग्राहकांना स्टेट बँकेकडून अलर्ट ; वाचा अन करा ‘हे’

अहमदनगर Live24 टीम, 12 जानेवारी 2021 :-तुम्ही जर देशातील सर्वात मोठ्या सार्वजनिक क्षेत्रातील बँक एसबीआयचे ग्राहक असाल तर जरा सावधगिरी बाळगा. खरं तर एसबीआयने आपल्या 44 कोटीहून अधिक ग्राहकांना सोशल मीडियाच्या माध्यमातून अलर्ट मॅसेज दिला आहे.

या मॅसेजमध्ये बँकेने बनावट इन्स्टंट कर्जाच्या अ‍ॅप्सविरूद्ध लोकांना सतर्क केले आहे. एसबीआयच्या मते, हा एक प्रकारचा सापळा आहे ज्यामध्ये ग्राहकांना फसवण्याचा प्रयत्न केला जाऊ शकतो. यासह एसबीआयने ग्राहकांना काही महत्त्वपूर्ण टिप्सही दिल्या आहेत. आम्ही तुम्हाला सांगतो की सुमारे 44 कोटी ग्राहक एसबीआयशी जोडलेले आहेत.

एसबीआयने ट्विट केले आहे की, “बनावट इन्स्टंट कर्जाच्या अ‍ॅप्सपासून सावध रहा! कृपया अनधिकृत लिंकवर क्लिक करू नका. एसबीआय किंवा इतर कोणत्याही बँकेसारख्या दिसणाऱ्या लिंकवर आपली माहिती सामायिक करू नका. आपल्या सर्व आर्थिक गरजा पूर्ण करण्यासाठी https://bank.sbi वर जा. ”

बँकेच्या सेफ्टी टिप्स :- एसबीआयने आपल्या ट्विटमध्ये काही सेफ्टी टिप्सही दिल्या आहेत. बँकेच्या मते, कर्ज घेण्यापूर्वी ऑफरच्या अटी व शर्ती तपासा. संशयास्पद लिंकवर क्लिक करणे टाळण्याची देखील गरज आहे. बँकेने असे म्हटले आहे की डाउनलोड करण्यापूर्वी अॅपची सत्यता तपासा.

आपल्या सर्व आर्थिक आवश्यकतांसाठी https://bank.sbi वर भेट द्या. त्वरित कर्ज परतफेड करण्याच्या दबावाखाली देशभरातून मृत्यू झाल्याच्या बातम्या येत असताना एसबीआयने हा इशारा दिला आहे. ही परिस्थिती लक्षात घेता आरबीआयने देखील सावधानतेचा इशारा दिला आहे.

Ahmednagarlive24

No1 News Network Of Ahmednagar जगभरातील लाखो वाचक असलेले अहमदनगर जिल्ह्यातील सर्वाधिक लोकप्रिय व विश्वासार्ह न्यूज पोर्टल.

Related Articles

Leave a Reply

Your email address will not be published. Required fields are marked *

Back to top button