अहमदनगर Live24 टीम, 25 जानेवारी 2021 :- जिल्ह्यात ग्रामपंचायतीच्या निवडणुका नुकत्याच पार पडल्या आहेत. दरम्यान प्रशासनातर्फे २५ जानेवारी हा राष्ट्रीय मतदार दिवस साजरा केला जातो.
या अनुषंगाने १७ नोव्हेंबरपासून विशेष संक्षिप्त पुन:रिक्षण कार्यक्रम राबविण्यात आला होता. १ जानेवारी २०२१ रोजी ज्यांचे वय १८ वर्षे पूर्ण झाले आहे, अशांचे मतदार यादीत नाव नोंदविण्यासाठी हा कार्यक्रम जाहीर करण्यात आला होता.
१ जानेवारी २०२१ रोजी १८ वर्षे पूर्ण झाल्याने त्यांना मतदानाचा हक्क बजावता येणार आहे. त्यामुळे जिल्ह्याची मतदारसंख्या आता ३५ लाख ४ हजार ७७ इतकी झाली आहे.
जिल्ह्यात नव्याने ४५ हजार ३३४ मतदारांची नोंद झाली आहे. त्यामुळे आगामी निवडणुकीमध्ये या नव्या तरुण मतदारांना मतदानाचा हक्क बजावता येणार आहे.
- अहमदनगर Live24 च्या इतर बातम्या वाचण्यासाठी क्लिक करा: wordpress-1209733-4285786.cloudwaysapps.com | ब्रेकिंग बातम्या मिळवण्यासाठी फॉलो करा : फेसबुक | ट्विटर | इंस्टाग्राम | टेलिग्राम । © Copyright 2020, all rights reserved