मोठी बातमी : टेस्ला कंपनी होऊ शकते बंद ! चीनच्या कारवाईने…

अहमदनगर Live24 टीम, 20 मार्च 2021:- जेव्हा चीनच्या सैन्याने त्यांच्या काही केंद्रांवर टेस्ला कारच्या प्रवेशास बंदी घातली तेव्हा टेस्लाचे मुख्य कार्यकारी अधिकारी एलोन मस्क यांनी कंपनीची बंद होण्याची भीती व्यक्त केली.

जगातील अव्वल श्रीमंतांपैकी एक असणारे मस्क म्हणाले की, टेस्ला कार हेरगिरीसाठी वापरल्या गेल्यास त्यांची कंपनी बंद होऊ शकते.

मस्क म्हणाले की, केवळ चीनमध्येच नाही तर जगाच्या कोणत्याही देशात असे घडल्यास टेस्ला कंपनी बंद होऊ शकते. टेस्लाच्या जागतिक विक्रीपैकी 30 टक्के विक्री केवळ चीनमध्ये आहे.

एक दिवस आधी, स्त्रोतांकडून मिळालेल्या माहितीनुसार, चिनी सैन्याने आपल्या कांप्लेक्सेस मध्ये टेस्लाच्या गाड्यांना घुसण्यास मनाई केली होती. चिनी सैन्याच्या म्हणण्यानुसार टेस्लाच्या गाड्यांमध्ये बसविलेले कॅमेरे सुरक्षा व्यवस्थेला धोका पोहोचवू शकतात.

चीन आणि अमेरिका यांच्यात विश्वास वाढवण्यावर दिला जोर :- स्टेट कौन्सिलच्या फाउंडेशनद्वारा आयोजित एका उच्च-स्तरीय व्यावसायिक संघटनेत, मस्कने चीन डेवलपमेंट फर्मला जगातील दोन मोठ्या अर्थव्यवस्था, अमेरिका आणि चीन यांच्यात परस्पर विश्वास वाढविण्यासाठी उद्युक्त केले. या प्रसंगी मस्क दक्षिणी विज्ञान आणि तंत्रज्ञान विद्यापीठाचे प्रमुख झ्यू किकुन (चायनीज क्वांटम फिजिक्सिस्ट) यांच्याशी संवाद साधताना टेस्ला कोणत्या परिस्थितीत बंद होऊ शकतात याविषयी चर्चा केली.

टेस्लासाठी चीन जगातील सर्वात मोठी बाजारपेठ :- जगातील सर्वात मोठी कार बाजारपेठ ही चीन आहे आणि इलेक्ट्रिक वाहनांसाठी (ईव्ही) जगभरातील कार कंपन्यांसाठी एक अतिशय महत्त्वाचा बाजार आहे.

टेस्लाने गेल्या वर्षी 2020 मध्ये चीनमध्ये 1,47,445 ईव्हीची विक्री केली होती, ते जगभरात टेस्लाच्या एकूण कार विक्रीपैकी 30 टक्के होते. तथापि, यावर्षी टेस्लाला चिनी कंपनी निओ इंककडून कडक स्पर्धा मिळत आहे.

टेस्ला केवळ चीनमध्ये ईव्हीची विक्री करीत नाही तर तेथे उत्पादनही करतात. 2019 मध्ये त्यांनी अलिबाबाचे संस्थापक जॅक माशी मंगळ ग्रह आणि ऑर्टिफॅशियल इंटेलिजेंसबद्दलही चर्चा केली होती.

• ब्रेकींग बातम्यांसाठी आमचे टेलिग्राम चॅनेल जॉइन करा http://bit.ly/3qvXmDb
• अहमदनगर Live24 च्या ब्रेकिंग बातम्या मिळवण्यासाठी फॉलो करा : फेसबुक | ट्विटर|