Ahmednagarlive24.com
Breaking News Updates Of Ahmednagar

खासदार डॉ.सुजय विखे यांनी साकळाईसाठी केली ‘ही’ मागणी

अहमदनगर Live24 टीम, 20 मार्च 2021:- नगर व श्रीगोंदा तालुक्यातील ३२ गावांसाठी मृगजळ ठरलेल्या साकळाई उपसा जलसिंचन योजनेसाठी वांबोरी चारीच्या मॉडेलप्रमाणे नाबार्ड अंतर्गत पाचशे कोटी रुपयांचा निधी देऊन ही योजना तातडीने पूर्ण करण्याची मागणी खासदार डॉक्टर सुजय विखे पाटील यांनी आज लोकसभेत केली.

यासाठी केंद्र सरकारने जलशक्ती मंत्रालयामार्फत सहाय्य करावे. अशी आग्रही मागणी खासदार डॉक्टर सुजय विखे पाटील यांनी लोकसभेत केली. जनहिताच्या विशेष मुद्यांसाठी राखीव असणाऱ्या लोकसभेचा वेळेचा उपयोग विखे पाटील यांनी खुबीने करून घेतला आहे.

Advertisement

यावेळी बोलताना खा.विखे म्हणाले की, नगर व श्रीगोंदा तालुक्यातील अवर्षणग्रस्त गावांसाठी साकळाई जलसिंचन उपसा योजना अतिशय महत्त्वपूर्ण असून,देखील ही योजना कार्यान्वित होऊ शकली नाही. गेल्या तीस-चाळीस वर्षापासून या भागातील शेतकरी या योजनेसाठी संघर्ष करीत आहेत.

तत्कालीन मुख्यमंत्री देवेंद्र फडणवीस यांनी या योजनेच्या सर्व्हेक्षणासाठी निधीची तरतूद देखील केली होती. मात्र आता राज्यात महा विकास आघाडीचे सरकार आले आहे. नूतन आघाडीचे सरकार या योजनेकडे तितकेसे गांभीर्याने लक्ष देत नसल्याची खंत देखील खासदार डॉ.विखे पाटील यांनी यावेळी व्यक्त केली.

Advertisement

लोकहितासाठी अतिशय महत्त्वपूर्ण असलेली ही योजना निधीअभावी व राज्य सरकारच्या उदासीनतेमुळे अडकू नये त्यासाठी केंद्र सरकारने पुढाकार घ्यावा.अशी मागणी खासदार डॉ.विखे पाटील यांनी केली. अहमदनगर जिल्ह्यामध्ये यापूर्वी स्वर्गीय खासदार बाळासाहेब विखे पाटील यांनी यापूर्वी नाबार्डच्या अर्थसहाय्यातून वांबोरी चारी उभी केली होती.

त्यामुळे धरणाच्या उशाशी असून देखील पाण्यापासून वंचित असणाऱ्या गावांना कायमस्वरूपी पाणीपुरवठ्याची सोय झाली आहे.

Advertisement

याच योजनेला अनुसरून साकळाई जलसिंचन उपसा योजनेला केंद्र सरकारच्या मार्फत नाबाड अंतर्गत जर अर्थसाहाय्य मिळाले तर दशकांपासून संघर्ष करणाऱ्या ३२ गावातील शेतकऱ्यांना न्याय मिळेल असा विश्वास विखे पाटील यांनी यावेळी बोलताना व्यक्त केला.

  • ब्रेकींग बातम्यांसाठी आमचे टेलिग्राम चॅनेल जॉइन करा http://bit.ly/3qvXmDb
  • अहमदनगर Live24 च्या ब्रेकिंग बातम्या मिळवण्यासाठी फॉलो करा : फेसबुक | ट्विटर

Advertisement
li