Ahmednagarlive24.com
Breaking News Updates Of Ahmednagar

पारनेरचे माजी आमदार विजय औटी म्हणाले ‘ह्या’ गोष्टीचे मला समाधान !

अहमदनगर Live24 टीम, 2 एप्रिल 2021 :-गेली पंधरा वर्षे तालुक्याचे लोकप्रतिनिधी म्हणून काम करताना तालुक्­याच्या विकासाच्या अनेक संकल्पना आपण मांडून पूर्णही केल्या.

शिवसेनेने घालून दिलेल्या संस्कारांवर पक्षाचे पदाधिकारी मिळालेल्या संधीचे सोने करीत पदाचा सद्पयोग करीत आहेत, याचे आपणास समाधान असल्याचे प्रतिपादन विधानसभेचे माजी उपाध्यक्ष विजयराव औटी यांनी केले.

Advertisement

तालुक्यातील वडनेर बुद्रुक येथील विविध विकासकामांच्या भूमिपूजनप्रसंगी विधानसभेचे माजी उपाध्यक्ष विजयराव औटी बोलत होते. या वेळी जि.प.चे बांधकाम व कृषी समिती सभापती काशिनाथ दाते, पं. स. सभापती गणेशराव शेळके,

शिवसेनेचे जिल्हा उपप्रमुख रामदास भोसले, शिवसेना तालुकाप्रमुख विकास रोहोकले, शिवसेना युवा तालुकाप्रमुख नितीन शेळके, आदी मान्यवर उपस्थित होते. या वेळी वडनेर बुद्रुक,

Advertisement

वाजेवाडी येथे कोल्हापूर पध्दतीचा बंधारा बांधण्यासाठी १४.९९ लाख रु. व जनसुविधा योजनेंतर्गत १३.५० लाख रुपये खर्चून स्मशानभूमी विकास करणे, या कामांचा समावेश आहे. श्री. औटी पुढे म्हणाले,

गेल्या सहा – सात महिन्यांपूर्वी वाजेवाडी व वडनेर बुद्रुक येथील स्मशानभूमी व बंधाऱ्याच्या कामांचे आश्वासन जि.प.चे सभापती काशिनाथ यांनी दिले होते, आज ते पूर्ण झाल्याचा आनंद आहे. श्री.दाते व पंचायत समितीचे सभापती गणेश शेळके यांना शिवसेनेने पदाची संधी दिली,

Advertisement

या संधीचा ते सद्पयोग करीत असल्याचे आपणास समाधान असून, कोरोना संपल्यानंतर तालुक्यातील शिवसेनेचे पदाधिकारी करीत असलेल्या कार्याचा आढावा आपण पक्षप्रमुख, मुख्यमंत्री उद्धव ठाकरे यांना देणार असल्याचे औटी यांनी सांगितले.

  • ब्रेकींग बातम्यांसाठी आमचे टेलिग्राम चॅनेल जॉइन करा http://bit.ly/3qvXmDb
  • अहमदनगर Live24 च्या ब्रेकिंग बातम्या मिळवण्यासाठी फॉलो करा : फेसबुक | ट्विटर|

Advertisement
li